Yoswa 2:11 - Amazwi Yakwe Leza 2013

¹¹ Lino tuvwile cii, ituya na miiku nga imyenzo itu izakaza ku ntete pamulandu wa kwiza kwinu, pano Yawe Leza winu ali Leza ukwiyulu na pano pansi kwene.

Yoswa 2:11 Referans Kwoze

Malango 4:39

Acino fwandi apilelo iusyini nupya mutakezye ukwilila ukuti Yawe ali Leza umwiyulu na pano nsi. Kutaya Leza namuze foo.

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Ezaya 13:7

Apamulandu wakwe cii, antu yonsi yalatolompoka mu makasa, nu muntu wensi alatovoka mu mwenzo.

Yoswa 7:5

iyakomapo antu amakumi yatatu na mutanda. Asyala nayo iyayacocovya ukutandikila sile pa mpongolo ya musumba mpaka ukufika lwaku cimbotela nga yayakoma pa mutentemuko wa mwamba. Pali cii aina Izlaeli iyatovoka nga nu munyanya iuyaputuka. Iyuvwa intete nu kuzakaza wakwe cimwi.

Masamu 102:15

Antu ya mitundu yuze yalaya ni coopo kuli Yawe, na yamwene ya pano nsi yonsi yaloopa ululumbi lwakwe.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

1 Yamwene 8:60

Ali pakuti antu amu mitundu yuze, iyaya pano nsi, yakamanye ukuti we Yawe wewe uli Leza nu kuti kutaya namuze foo.

Umbwilo 6:16

Alino yanena myamba ni milunda yati, “Tuponelini nu kutufisa ku manso yakwe wino uwikala pa cilimba ca wene nga nu ku ukali wa Mwana wa mfwele!

Naumi 2:10

Umusumba wa Ninive ononeka, wasanguka waya itongwa ilyaula antu. Imyenzo yaluluka uku ntete, na makokola yakuzakaza. Umu nteo monsi mwamyalala, ni vinso vyapona uku masakamiko.

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Yoswa 14:8

Nga aina yane aile kweneko pamwi nani iyatovola antu. Lelo nemo nu mwenzo onsi nacisile ivyalondanga Yawe.

Malango 20:8

Yamusika akalamba ya vita nayo kwene yalalanda ku antu yati,

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Kufuma 15:14

Antu amu nko zyuze yatiyuvwa pali cii, nga yazakaza ku ntete. Intete zikulu cuze zyalema aina Filisti.

Kufuma 15:15

Ndakai intunguluzi zyamu mpanga ya Edomu zyatizisakamikwa. Intunguluzi zyamu mpanga ya Moabu zyatizitandika kuzakaza. Antu yonsi amu mpanga ya Kenani iciyaputula umusana.

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

Masamu 58:7

Leka yakonkoloke sile wakwe mulamba, yalyatolwe wi sote lya mwikula.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezekelo 21:15

Ali pakuti antu yane yapeziwe amano, yapomponteke. Pa mpongolo zyonsi zya musumba nemo ninteya penepo ulupanga ulumamyantukanga wa nkuwa, ulumalolelanga sile ukusalipa.

Yoswa 2:24

Inengu zizi izinena Yoswa ziti, “Icumi kwene Yawe watapeela impanga ilya yonsi mu makasa itu. Aikazi yakweneko yonsi yakuizakazila sile ku ntete pamulandu witu.”

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.