Yoswa 18:19 - Amazwi Yakwe Leza 2013

¹⁹ Nga lyene iuya ku mutentemuko waku katutu kakwe Beti Hogila nga iusiika ku cifuma cakwe Yemba wa Musilya, icayela lwaku kaeya. Ali na kumawilo ya Luzi lwa Yodani lwaku kaeya. Uu fwandi uli mupaka uwayela lwaku kaeya.

Yoswa 18:19 Referans Kwoze

Yoswa 15:2

Umupaka wao uwaku kaeya watandikila api lambwa lwaku kaeya ku mpela yakwe Yemba wa Musilya,

Utandiko 14:3

Yamwene yaa yasano yuvwana kuminkanya ivita vyao mu cifoloma ca Sidimi (Ndakai cikaamwa ukuti Yemba wa Musilya).

Ezaya 11:15

Yawe alakamya nu mupunda wakuli yemba waku Eguputo, nu kuleta umuza ukaye uwaku kamya uluzi lwa Yufulate, nga nu kusya sile utunguzi cinimbali, tuno umuntu ali wensi angalamba.

Yoswa 12:3

Wene wateekanga na lwaku ufumondaka wa Alaba ukutandikila kuli Yemba wa Galile ukufika na kuli Yemba wa Alaba (kuli kuti Yemba wa Musilya), nu kulunduluka ku Beti Yesyimoti, ukufika nu kwisika lya mutentemuko wa Mwamba wa Pisiga lwaku kaeya.

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.

Malango 3:17

Lwaku uwondaka impanga yao yanyetelile ukufika ku Luzi lwa Yodani, nu kufuma kuli Yemba wa Galile ku katutu mpaka ukutentemukila kuli Yemba wa Musilya lwaku kaeya mpaka nu mu mutentemuko wa Mwamba wa Pisiga lwaku ufumondaka.

Mpendwa 34:3

Umupaka uwaya lwaku kaeya ulatandikila ukufuma mu Lwanga lwa Zini ukwemanya nu mupaka waku Edomu. Alino nu mupaka winu uwa kwi kasa lyakwe ndilo, ulatandikila ku ufumondaka, lwa ku mpela ku kaeya kakwe Yemba wa Musilya.

Utandiko 19:25

Avino aonona cifoloma consi na antu yonsi mu misumba yoili pamwi ni vimelwa vyonsi.

Yoswa 18:18

Alino iutwalilila ku mutentemuko waku katutu kakwe Beti Alaba nga iufika nu kwisika ku Alaba.

Yoswa 18:20

Luzi lwa Yodani ali mupaka waku ufumondaka. Fwandi ikwene ili mipaka iya mpanga ilya ino yapilwe ku mitundu ya ana yakwe Benjamini, ukulingana ing'anda ni ng'anda ukuzingulusya impanga yao.