Yoswa 18:16 - Amazwi Yakwe Leza 2013

¹⁶ Lyene iusulukila ku mpelelekezyo ya mwamba uno vilozinye cinso ni Cifoloma ca Beni Hinomu, lwaku katutu ka Cifoloma ca Lefaimu. Alino iutwalilila kwisika ku Cifoloma ca Hinomu nga iupambata ulutala lwa ina Yebusi lwaku mutentemuko waku kaeya nu kuya ponela pa Eni Logeli.

Yoswa 18:16 Referans Kwoze

2 Yamwene 23:10

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 19:11

Alino uyanene vino Yawe Wamaka yonsi watalanda, wati, ‘Ndonona antu yaa kumwi nu musumba kwene uu, nga nao ulaya wa musazi kwene uu utamoke uno utange ulimbwe nupya. Alino nu mu Tofeti kwene antu yamazikananga, pano kusi nakuze kuno yangayazika.

Yelemiya 19:6

Ali cino lyene nemo ne Yawe nalanda ukuti insita imwi iliza, lino antu yalata ukwama incende ii yati Tofeti nanti Cifoloma ca Hinomu. Lelo ilaamwa ukuti Cifoloma ca Usalifi.

Yelemiya 19:2

Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

1 Milandu 14:9

Alanga aina Filisti yatiyafika mpiti yatandika nu kuzanza mu Lwanga lwa Lefaimu.

1 Yamwene 1:9

Uwanda umwi Adoniya atoola imfwele, ni ng'ombe nga nu twana twa ng'ombe utwine apeela impolelwa piwe lyakwe Zoeleti pipi nu ku Eni Logeli. Aama aina yakwe yonsi, ana ya mwene aonsi, nga ni vilolo vyonsi vyamu Yuda.

2 Samueli 17:17

Yonatani umwana wakwe Abyata na Aimaazi umwana wakwe Zadoki yalolelanga pa kafukoka kaku Eni Logeli, lwa kunzi ya musumba wa Yelusalemu, pamulandu wakuti yatalondanga ukuloleka ku antu lino yakwingila mu musumba. Umuomvi umwi umwanaci wayanga ku kuyanena ivyativicitika, nga nayo iyaya yanena umwene Davidi.

Yakapingula 19:10

Lelo umuntu wilya atakasi ukulinda kuku usiku nauze. Acino akatuka nu muci namuze alungama ku Yebusi (kuli kuti, Yelusalemu), pamwi na yapunda yakwe yoili ala iyayanyepela iviya.

Yakapingula 1:21

Lelo amu mutundu wakwe iyaposiwa kuzinga aina Yebusi aikalanga mu Yelusalemu. Na pilelo kwene aina Yebusi yacili ikala mwenemo pamwi na ina Benjamini.

Yakapingula 1:8

Antu yakwe Yuda yazanza umusumba wa Yelusalemu nu kuupoka. Iyakoma antu yonsi nu kutumula umoto mu musumba ulya.

Yoswa 18:28

Zela, Haelefe, umusumba wa ina Yebusi (kuli kuti, Yelusalemu), Gibeya na Kilyati Yealimu: imisumba ikumi na ini nga ni mizi yakweyo. Iyo ili mpanga ino umutundu wakwe Benjamini wapilwe, uluko nu luko kuti iye icaupyanyi cao.

Yoswa 15:63

Lelo amu mutundu wakwe Yuda yaposiwe ukuzinga aina Yebusi yano yikalanga mu Yelusalemu. Na pilelo kwene aina Yebusi yacili ikala kuku pamwi na amu Yuda.

2 Samueli 5:18

Lyene aina Filisti yiza yasansantika umu Cifoloma ca Lefaimu amuno yikala.