Yoswa 18:14 - Amazwi Yakwe Leza 2013

¹⁴ Alino umupaka iufumila ku mwamba uno walozyanya amanso na Beti Holoni, iupetukila ku kaeya ukufuma lwaku uwondaka wa mwamba uu nga iulungama ku Kilyati Baali (nanti Kilyati Yealimu), umusumba wa amu mutundu wakwe Yuda. Uu, uwali umupaka waku uwondaka.

Yoswa 18:14 Referans Kwoze

Yoswa 15:9

Alino ukufuma papela ya mulundu ulya umupaka iuya ku tufukoka twakwe Nefutoa, nga iufumila ku misumba ya Mwamba wa Efuloni nga iutentemukila ku Baala (kuli kuti, Kilyati Yealimu).

2 Samueli 6:2

Wene pamwi na antu yakwe yonsi iyatenuka ukufuma ku Baali waku Yuda ku kusenda Mbokosi ya Upangano yakwe Leza, ino ikaamilwa ukwi zina lyakwe Yawe Wamaka yonsi, wino ali apakasi kakwe yakelubi yano ali pa Mbokosi kwene iyo.

Yoswa 15:60

Na Kilyati Baali (kuli kuti, Kilyati Yealimu) na Laba. Yonsi pamwi yali imisumba iili ni mizi yakweyo.

Yoswa 9:17

Acino aina Izlaeli iyatenuka nga pa wanda uwalenga yatatu iyafika ku misumba yao kuno yakaikala. Ni misumba iyo aei: Gibyoni, Kefila, Beeloti na Kilyati Yealimu.

Yoswa 18:13

Ukufuma kuko, umupaka iutentemukila ku kaeya kakwe Luzi (kuli kuti Betele) nga iutentemukila ku Ataloti Adali, pa mwamba lwaku kaeya kakwe Beti Holoni uwapisika.

Yoswa 18:15

Umupaka uwayelile ku kaeya wali vii: ukutandikila pa mpela yakwe Kilyati Yealimu lwaku uwondaka, umupaka waya watunkila pa tufukoka twaku Nefutoa.

1 Samueli 13:18

ni mpuka yuze ilungama ku Beti Holoni, nga yakwe citatu ilungama lwaku mupaka ukulolenkana papela ya Cifoloma ca Zeboimu nu lwanga ululi ukulutwe.