Yoswa 17:15 - Amazwi Yakwe Leza 2013

¹⁵ Yoswa nawe aasuka ati, “Ndi cakuti muvuzile wakwe cimwi nupya ndi cakuti impanga yakwe Efulemu ya myamba yacepesya itange imukumane, lyene yangini mu mutengo mu mpanga ya ina Pelizi na ina Lefaimu mukasete imiti.”

Yoswa 17:15 Referans Kwoze

Utandiko 14:5

Mu mwaka uwalenga ikumi na ini Kedolaomeli ni vita vyakwe na yamwene yano yuvwananga nawe, yumana akapi yalwisya yacimvya aina Lefaimu mu Asyitaloti Kalinaimu, na Zuzimu mu Hamu, Emimu mu Syave Kilyataimu,

Utandiko 13:7

Caleka yakacema yakwe Loti na yakwe Abulamu yalemanila. Pa nsita ilya aina Kenani na ina Pelizi yalanga ala yacili ikala mu mpanga ilya.

Luka 12:48

Lelo wino atamanyile vino mwene wakwe akasi, ndi waomba milimo ingamulenga kuvunukwa, wene alumwa vikoti vinono. Pano kuli wino wapelwa vingi, ni vingi vilalondwa kufuma kunoli. Na kuli wino yaseekela vingi, ni vingi kuluta vilalondwa kufuma kunoli.

Ezila 9:1

Pacisila lino vyonsi vii vyacitika, nga intunguluzi zimwi iziza kunondi iziti, “Aina Izlaeli pamwi na yasimapepo nga na ina Levi yataizilizye ku utwazi ni mitundu ya inamasi iyatuzinguluka. Iyi, imitundu ya ina Kenani, Hiti, Pelizi, Yebusi, Amoni, Moabu, Eguputo na ina Amoli. Yene yakucita ivyawinyi ndi vino ainamasi yonsi yakacita.

2 Samueli 5:22

Lyene aina Filisti iyaswilila ku Cifoloma ca Lefaimu nga iyaya yikala mwenemo.

2 Samueli 5:18

Lyene aina Filisti yiza yasansantika umu Cifoloma ca Lefaimu amuno yikala.

Kufuma 33:2

Ndatuma mungeli kuti akukolelele, nupya ndazinga aina Kenani, aina Amoli, aina Hiti, aina Pelizi, aina Hivi, na ina Yebusi.

Utandiko 15:20

ya ina Hiti, ya ina Pelizi, ya ina Lefaimu,

Yoswa 17:14

Amu mupanda wakwe Yosefu iyanena Yoswa yati, “Uzye pacani cino watutupelela sile icipande conga ica mpanga kuti ciye icaupyanyi citu? Swemo tuvuzile nga Yawe watupolelela wakwe cimwi.”

Yoswa 17:16

Amu mupanda wakwe Yosefu nayo yaasuka yati, “Impanga ya myamba itange itukumane. Ukulunda pali cico, aina Kenani yonsi akaikala mu Beti Syani ni mizi yakweyo nga na ikazi amu Cifoloma ca Yezileele yakwata amaceleta ya vyela.”

2 Samueli 18:6

Ivita vyakwe Davidi ivifumila ukunzi ya musumba nga ivilwisya aina Izlaeli mu mutengo wakwe Efulemu.

Yakapingula 17:1

Mu manda yalya kwaliko umuntu wino yatemile izina yati a Mika, uwafumile ku mpanga yakwe Efulemu, impanga ya myamba.