Yoswa 16:10 - Amazwi Yakwe Leza 2013

¹⁰ Lelo yene yatazinzile aina Kenani aikalanga mu Gezeli. Na pilelo kwene aina Kenani yakaikala pakasi ka mutundu wakwe Efulemu, lelo yakayapatikizya kuomba wa azya.

Yoswa 16:10 Referans Kwoze

Yakapingula 1:29

Umutundu wakwe Efulemu nao kwene iuposiwa ukuzinga aina Kenani aikalanga pipi nu ku Gezeli. Lelo aina Kenani iyatwalilila ukwikala pakasi kao.

1 Yamwene 9:16

(Falao umwene waku Eguputo walanga wazanza umusumba wa Gezeli, aupoka, akomola aikazi ya mwenemo, nga atumula umoto mpaka iupya. Alino aupela wa wila wapa winga ku mwana kaci, wino isi a Solomoni kwene wii.

Yoswa 17:13

Nanti cali vivyo, lino aina Izlaeli yatwalilila ukuya na maka iyapatikizya aina Kenani ukuomba wa azya, nga lelo yaposiwe ukuzinga yonsi pyu.

1 Yamwene 9:21

kuli kuti amu mupanda wao asiile mu mpanga ilya, yano aina Izlaeli yaposiwe kulovya. Antu kwene yaa ali yano Solomoni ayacita azya akuombela umulaza ukufika na pilelo kwene.

Yoswa 15:63

Lelo amu mutundu wakwe Yuda yaposiwe ukuzinga aina Yebusi yano yikalanga mu Yelusalemu. Na pilelo kwene aina Yebusi yacili ikala kuku pamwi na amu Yuda.

Yoswa 10:33

Pa nsita kwene ilya, walanga Holamu umwene waku Gezeli wataiza ku kwazwilizya aina Lakisyi. Lelo Yoswa amucimvya kumwi ni vita vyakwe, cakuti atasile umuntu nanti wenga umupuma.

Yoswa 16:9

Alino ukulundapo kwali kweneko imisumba ni mizi yakweyo iyapilwe ku amu mutundu wakwe Efulemu, lelo ala ili mu mupaka wa mutundu wakwe Manase.

Yoswa 17:12

Lelo amu mutundu wakwe Manase yaposiwe ukuzinga aina Kenani aikalanga mu misumba ii. Pasi pano aina Kenani yakonelile mwenemo.

1 Yamwene 9:15

Vii avino umwene Solomoni wacisile: wene wakuulizye antu kuti yaombe umulimo wa kukuula Ng'anda ikulu yakwe Yawe nga ni sano lyakwe, nu mwimbwe uwakucinga ku ufumondaka wa musumba, alino nu kukuula ilinga ukuzinguluka imisumba ii: Yelusalemu, Hazoli, Megido nga nu wa Gezeli.

2 Milandu 8:8

kuli kuti amu mupanda wao yano yasiile umu mpanga, yayo yano aina Izlaeli yatakomile, Solomoni ayacita azya akuombela umulaza ukufika na pilelo kwene.