Lyene amu mutundu wakwe Yuda iyapita pamwi na ina yao amu mutundu wakwe Simeoni, nga yaya yazanza aina Kenani akaikala mu Zefati, nga iyonona umusumba onsi pyu. Icaleka iyautemela ni zina yati Holima
Lyene aina Amoli yano yikalanga mu myamba ilya yamukatukile wa cikundi ca nzimo. Yene yamuzinginye mpaka kufika nu ku Holima nga kukwa kwene akuno yamucimvizye mu mpanga ya myamba ya Edomu.
Aina Amaleke na ina Kenani aikalanga mu mpanga ilya, mu myamba, ali pa kutentemuka nu kuyazanza. Iyacimvya aina Izlaeli nzila yonsi kufika nu ku Holima.
Yawe auvwa ukupapata kwa ina Izlaeli, nga ayapeela amaka iyaya yacimvya aina Kenani. Acino aina Izlaeli iyonona antu yalya iyayamalila kumwi ni misumba yao. Lyene iyatemela ni ncende ilya yati Holima.
