Yoswa 15:14 - Amazwi Yakwe Leza 2013

¹⁴ Ukufuma ku Hebuloni Kalebu azinga aina Anaki yatatu, amazina yao a Syesyai, Aiimani, na Talimai, amu mupanda wakwe Anaki.

Yoswa 15:14 Referans Kwoze

Yakapingula 1:20

Wakwe vino Mose walavile, yapeela umusumba wa Hebuloni kuli Kalebu, wino wazinzilemo ana aonsi yatatu yakwe Anaki.

Yakapingula 1:10

Nupya iyaya iyalwisya aina Kenani aikalanga mu musumba wa Hebuloni uno yamanga yati Kilyati Aliba. Kuku akuno yacimvizye inko zyakwe Syesyai, Aiimani na Talimai.

Yoswa 11:21

Pa nsita ilya Yoswa apita aya aonona aina Anaki yonsi pyu mu mpanga ya myamba: ukutandikila ku Hebuloni, ku Debili nu ku Anabu, nu ku mpanga ya myamba yakwe Yuda, ni mpanga ya myamba iya ina Izlaeli, ala akuyonona yonsi pyu kumwi ni misumba yao.

Mpendwa 13:33

Twaweni mwenemo na makonta, amakonono ya antu, amu mupanda wakwe Anaki. Mu kuloleka twalolike kwati sweswe vikwe, nga nu mu manso yao mu cumi ali vino twalolekanga.”

Malango 9:2

Antu aya mwenemo yakwata amaka nupya ivipombolo. Yayo ali ina Anaki. Mumanyile ivya pali aliyo nupya muvwa kuno vyalandwa ukuti kusi nanti wenga angalwisya aina Anaki.

Yoswa 11:22

Kutali umwina Anaki uwasile mu mpanga yonsi iya ina Izlaeli, suka sile mu Gaza, mu Gati, nu mu Asyidodi.

2 Samueli 21:16

Nga cililumba cimwi cino yamanga yati Isyibibonebu, wenga uwamu mupanda wakwe Lafa, icasenzile isumo ilyakweti icilimi ca mukuwa icanyomile ukulingana na makilogalamu yatatu na citika nupya icanyinyinyinzye ulupanga ulupya mu musana wakweco, icelenganya ukuti cingakoma Davidi.