Yoswa 15:1 - Amazwi Yakwe Leza 2013

¹ Impanga ino yankanyiziwe ku amu mutundu wakwe Yuda, uluko nu luko, yatandikila ku mupaka wa ina Edomu, nu kufika ku Lwanga lwa Zini ku lutwe lwaku kaeya.

Yoswa 15:1 Referans Kwoze

Ezekelo 47:19

Ku kayeya umupaka ulafuma ku Tamala nu kulungama ku kayeya ku manzi yaku Meliba, ku Kadesyi, ukufika ku Luzi lwa Eguputo na kuli Yemba wa Adiliya. Uo ulaya ali mupaka waku kayeya.

Yoswa 14:2

Impanga zyao zya upyanyi zyankanyiziwe ku mitundu fundimbali na onga pakasi ukupitila mu kupendola, wakwe vino Yawe wapile ilamulo kupitila muli Mose.

Mako 3:8

Lyene antu aingi afumile ku Yudeya, nu ku Yelusalemu, nu ku Idumeya, nu ku mbalama yuze yakwe Yodani, nu ku ncende yakwe Tuli na Sidoni, lino yuvwile vintu vino wacitanga, iiza kunoli.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Malango 32:51

pamulandu wakuti mweili kwene mutali acumi kunondi pa manso ya ina Izlaeli. Lino mwali ku manzi aku Meliba, pipi nu musumba wa Kadesyi, mu lwanga lwa Zini, mwemwe mweili kwene mutankwatile umucinzi icilingane pa manso ya ina Izlaeli.

Yoswa 15:2

Umupaka wao uwaku kaeya watandikila api lambwa lwaku kaeya ku mpela yakwe Yemba wa Musilya,

Yoswa 18:5

Impanga ili nu kwankanyiziwa mu viputulwa cinimbali. Umutundu wakwe Yuda uli nu kusyala mu muputule wa mpanga iyapeelwa kuno uli iyayela ku kaeya. Nu muputule wakwe Yosefu nao mu muputule wa mpanga iyayela ku katutu.

Ezekelo 48:7

Alapakana na Lubeni, ukutandikila ku mupaka waku ufumondaka ukufika ku mupaka waku uwondaka. Wiyo alaya a Yuda, alakwata cipande conga.

Utandiko 35:23

Ana yakwe Leya aonsi yali a Lubeni (iyeli lyakwe Yakobo), Simeoni, Levi, Yuda, Isakali na Zebuluni.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.