Yoswa 14:4 - Amazwi Yakwe Leza 2013

⁴ Ana yakwe Yosefu yali imitundu paili, Manase na Efulemu. Aina Levi yatapezilwe icipande ca mpanga, suka sile imisumba iyakwikala mwenemo, na manyika aku cemelamo iviteekwa ivikulu ni vinono.

Yoswa 14:4 Referans Kwoze

Utandiko 48:5

Yakobo atwalilila ukunena Yosefu ati, “Yosefu ana yako yaili aonsi, yano avilwe kunuli mu Eguputo lino ntali nize, nayo kwene akwane. Efulemu na Manase yene akwane wa ana yane aonsi, Lubeni na Simeoni.

Utandiko 41:51

Nga Yosefu ati, “Leza watalenga kuti nilile ucuzi wane onsi kumwi na amu ng'anda yakwe Tata.” Caleka atemela umwana wakwe umonsi iyeli ati a Manase.

Utandiko 46:20

Asenati umwana umwanaci wakwe Potifela, simapepo waku Oni, wavyalile Yosefu ana yaili aonsi mu Eguputo. Ana yaa a Manase na Efulemu.

Utandiko 48:1

Pacisila cakwe vii, lino Yosefu ali mu musumba, apokelela amazwi akulwala kwakwe isi. Caleka Yosefu asenda ana yakwe yaili aonsi, Manase na Efulemu, nga apita aya ku kufwilizya isi.

Mpendwa 26:28

Ana yakwe Yosefu mu nko zyao ukupitila muli Manase na Efulemu aeya:

2 Milandu 30:1

Umwene Hezekiya watumiile aina lzlaeli na Ayuda yonsi intumi. Walemvile na yakalata uku antu amu mutundu wakwe Efulemu na wakwe Manase, ayanena kuti yize uku Ng'anda ikulu yakwe Yawe uku Yelusalemu uku kwizazevya Cimulo ca Ucilo ca kucindikilamo Yawe, Leza wa ina lzlaeli.

Utandiko 41:52

Nupya ati, “Leza watampela ana mu mpanga ya ucuzi.” Caleka atemela umwana umonsi wakwe ciili izina ati a Efulemu.

Utandiko 48:6

Ndi ulavyala ana aonsi nayauze, yene yatalapendwa ukuti akwane. Yene yalapokelela upyanyi wa mpanga kupitila muli yasilenzi, vili Efulemu na Manase.

Yoswa 16:4

Acino Manase na Efulemu, amu mupanda wakwe Yosefu, iyapokelela icaupyanyi cao.