Yoswa 14:12 - Amazwi Yakwe Leza 2013

¹² Ale lyene fwandi umpeele impanga ya myamba ino Yawe wandavile pa wanda ulya. Nupya wemwisikulu wayuvwilile pa nsita ilya ukuti aina Anaki yali kuku nu kuti imisumba yao yali ikulu sana nupya iyakuulililwa amalinga. Lelo Yawe ndi wangazwa indayazinga wakwe vino wene wavwanzile.’ ”

Yoswa 14:12 Referans Kwoze

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Filipi 4:13

Klistu wampeela maka akulungatana ni miyele ili yonsi.

Mpendwa 13:33

Twaweni mwenemo na makonta, amakonono ya antu, amu mupanda wakwe Anaki. Mu kuloleka twalolike kwati sweswe vikwe, nga nu mu manso yao mu cumi ali vino twalolekanga.”

Mpendwa 13:28

Lelo kwene antu akaikala mwenemo aamaka cuze. Ni misumba yao iikulu cuze nupya izingulusye amalinga. Kuluta pali vii, twaweni amu mupanda wakwe Anaki.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yoswa 15:14

Ukufuma ku Hebuloni Kalebu azinga aina Anaki yatatu, amazina yao a Syesyai, Aiimani, na Talimai, amu mupanda wakwe Anaki.

Masamu 60:12

We Leza, ndi cakuti waya uku lusansa lwitu, lyene tumacimvya. Awewe umalovya nu kulyatilila anisi itu.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

Yakapingula 1:20

Wakwe vino Mose walavile, yapeela umusumba wa Hebuloni kuli Kalebu, wino wazinzilemo ana aonsi yatatu yakwe Anaki.

Mpendwa 21:34

Yawe anena Mose ati, “Utamoopa, pano namakupeela ucimvyo pali aliwe, na pa antu yakwe onsi, nga na pa mpanga yakwe. Ucite kunoli wakwe vino wacisile kuli Siooni umwene wa ina Amoli, uwatesile mu Hesyiboni.”

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

Malango 9:1

“Uvwini kuno, mwe ina Izlaeli! Ilelo muli pipi nu kulamba Luzi lwa Yodani nu kupoka impanga umwikala antu amu nko nupya izya maka ukuluta mwemwe. Imisumba yao iikulu, nupya yakwata amalinga atali kufika nu mupela umwiyulu.

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.