Yoswa 13:5 - Amazwi Yakwe Leza 2013

⁵ Ni mpanga ya ina Gebali, nga ni ncende yonsi iya Lebanoni lwaku ufumondaka kufumilila ku Baali Gadi mwisika ya Mwamba wa Helimoni ukufika ku Lebo Hamati.

Yoswa 13:5 Referans Kwoze

1 Yamwene 5:18

Yafundi ya milimo yakwe Solomoni pamwi na yakwe Hilamu nga na onsi yamwi ukufuma ku musumba wa Gebali yaputola imiti nu kuteyanya amawe ya kukuulila Ng'anda ikulu yakwe Yawe.

Yoswa 12:7

Yaa ali yamwene ya mpanga ino Yoswa na ina Izlaeli yacimvizye lwaku lusansa lwaku uwondaka wa Luzi lwa Yodani, ukutandikila ku Baali Gadi mu Cifoloma ca Lebanoni ukufika nu ku Mwamba wa Halaki, uwalemela ulunga nu ku Seili. Yoswa aankanya impanga yao ku mitundu ya ina Izlaeli ukulingana ni mendela zya mitundu yao kuti iye icaupyanyi cao.

Ezekelo 27:9

Munuli mwali na yakasinda ya mato aku Gebali akukusinsintila ivipongo vyako. Amato yonsi apali yemba na kuyapisya yizanga kunuli ku kukauzyanya vya uculuzi

Masamu 83:7

aina Gebali, aina Amoni na ina Amaleke, aina Filisti kumwi na ina Tuli.

Yoswa 11:17

ukufuma ku Mwamba wa Halaki, ukukwela ukuya ku Seili, nu kufika ku Baali Gadi mu Cifoloma ca Lebanoni apisika lya Mwamba wa Helimoni. Alema yamwene yao yonsi nu kuyakoma.

Mpendwa 34:8

Alino ukutandikila ku Mwamba wa Holi mpaka ku Lebo Hamati. Lyene umupaka uwo ukalungame uwingililo waku Hamati nu kwiza ku Zedadi,

Amosi 6:2

Yangini ku musumba wa Kaline mukailolele. Alino muye ku musumba ukulu ulya uwa Hamati, nga lyene mutentemukile ku Gati ku ina Filisti. Uzye antu amu mawene yaa yalusile amu Yuda nu mu Izlaeli? Uzye impanga yao ikulu kuluta impanga inu?

Ezaya 10:9

Anene nacimvya umusumba wa Kaline nu wa Kalikemisyi, nu wa Hamati nga nu wa Alipadi. Anene nacimvya umusumba wa Samaliya nu wa Damasiko.

Malango 3:25

Su ngaleka sile indambe Luzi lwa Yodani, uleke inje nkalole impanga ivunde iyaya ku mbalama yuze, impanga iyembe ya myamba nga ni Myamba ya Lebanoni.’

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Mpendwa 13:21

Caleka yatumbela ku kwendezya impanga ukutandikila ku Lwanga lwa Zini, nu kufika ku Leobu, pipi na pano yakaingilila ku Lebo Hamati.

Yoswa 11:3

Atuma nu ku ina Kenani ku ufumondaka nu ku uwondaka, ku ina Amoli, ku ina Hiti, ku ina Pelizi, nu ku ina Yebusi mu mpanga ya myamba, nga nu ku ina Hivi aikalanga mwisika ya Mwamba wa Helimoni mu mpanga yaku Mizipa.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

Yelemiya 52:9

Zedekiya yamulema nu kumutwala ku mwene Nebukadineza, wino wali mu musumba wa Libula, mu ciputulwa ca Hamati. Nebukadineza nawe ali pakumupingwila umulandu.