Yoswa 13:31 - Amazwi Yakwe Leza 2013

³¹ na citika wakwe Gileadi, na Asyitaloti na Edilei (imisumba yaku wene yakwe Ogi umwene waku Basyani). Ili mpanga ino yapile amu mupanda wakwe Makili, uluko nu luko.

Yoswa 13:31 Referans Kwoze

Yoswa 12:4

Aina Izlaeli iyacimvya na Ogi kwene, umwene waku Basyani, wenga pa ina Lefaimu asilepo, uwateekanga ku Asyitaloti nu ku Edilei.

Yoswa 9:10

na vyonsi vino wene wacitile yamwene yaili ya ina Amoli lwaku ufumondaka wa Luzi lwa Yodani, na Siooni umwene waku Hesyiboni, na Ogi umwene waku Basyani, wino wateekanga mu Asyitaloti.

Yoswa 13:12

Kuli kuti uwene onsi wakwe Ogi mu Basyani, wino wateesile mu Asyitaloti nu mu Edilei nupya wali a wenga pali yao asilepo mu ina Lefaimu. Lelo Mose wacimvizye yamwene yaa yaili nu kuyazingila ukutali.

Yoswa 13:32

Zii izili mpanga zino Mose wapeezile ku mitundu ilya kuti ziye icaupyanyi cao mu manyika aku Moabu ku mbalama ya Luzi lwa Yodani lwaku ufumondaka wakwe Yeliko.

Yoswa 17:6

pamulandu wakuti ana anaci amu mutundu wakwe Manase nayo kwene yapilwe impanga wa ana yakwe aonsi. Impanga iya Gileadi iya ana yauze asyala amu mupanda wakwe Manase.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’

1 Milandu 6:71

Amu luko lwakwe Gelisyomu yapilwe imisumba ii: Ukufuma mu luko lwa mutundu pakasi wakwe Manase, yapilwe umusumba wa Golani mu Basyani, ukwika penepo nu musumba wa Asyitaloti kumwi ni mpanga yakweyo iyamulemvwe.

Masamu 60:7

Gileadi wene uwakwane, na Manase kwene nawe uwakwane. Efulemu nawe ali cimpompo cane. Yuda nawe ali nsonzo yane iya wene.

Yoswa 17:5

Manase wapilwe ivitungu ikumi ivya mpanga ukulunda pa mpanga ya Gileadi ni ya Basyani lwaku ufumondaka wa Luzi lwa Yodani,

Yakapingula 5:17

Umutundu wakwe Gileadi wikalanga ku ufumondaka wa Luzi lwa Yodani, nu mutundu wakwe Dani wasile pipi ni vyombo. Umutundu wakwe Asyeli wikalanga mu nkumba yakwe yemba. Iusyala mu vituntu vyakwe yemba.

Ezekelo 48:4

Alapakana na Nafutali, ukutandikila ku mupaka waku ufumondaka ukufika ku mupaka waku uwondaka. Wiyo nawe a Manase, alakwata cipande conga.