Yoswa 13:26 - Amazwi Yakwe Leza 2013

²⁶ Alino ukutandikila ku Hesyiboni ukufika nu ku Lamati Mizipa nu ku Betonimu, nga ukufuma ku Maanaimu ukufika ku Debili.

Yoswa 13:26 Referans Kwoze

2 Samueli 17:27

Lino Davidi wiza ku Maanaimu, iyakomenkana na Syobi umwana umonsi wakwe Naasyi uwafumile ku musumba wa Laba, umu mpanga ya ina Amoni, nga na Makili umwana umonsi wakwe Amiyeli, uwafumile ku Lodebali, nga na Balizilai umwina uwafumile ku Logelimu umu mpanga ya Gileadi.

2 Samueli 2:8

Pa nsita kwene ilya, Abineli umwana umonsi wakwe Neli, uwali musika mukalamba uwa vita vyakwe Saulo, asenda Isyibosyeti umwana wakwe Saulo, nga amuleta ku Maanaimu.

1 Yamwene 22:3

Alino Aabu auzya inkombe zyakwe ati, “Lamoti Gileadi umusumba witu, nga uzye pacani cino twikala sile, ukwaula kuti tuye tukaupoke ku mwene waku Asilya?”

Yakapingula 11:29

Lyene Umupasi wakwe Yawe iwikila pali Yefuta. Nawe pali pakusalala impanga ya Gileadi na yakwe Manase, alino apita mu Mizipa uwaku Gileadi. Lyene ukufuma kuku aya ku kuzanza aina Amoni.

Yakapingula 11:11

Acino Yefuta apita ni ntunguluzi zizi zyamu Gileadi, nga antu iyamucita kuya intunguluzi yao na musika mukalamba wao uwa vita. Lyene ku Mizipa, pa manso yakwe Yawe, Yefuta aswilizya ukulanda amazwi yaya wakwe vino yapangine nayo.

Yakapingula 10:17

Lyene ivita vya ina Amoni iviiteyanya kuya ku kulwa nga ivicita insakwe mu mpanga ya Gileadi. Aina Izlaeli nayo iyakongana nu kukuula insakwe ku Mizipa.

Yoswa 21:38

Ukufuma mu mutundu wakwe Gadi, yapilwe umusumba wa Lamoti mu mpanga ya Gileadi (umusumba wa kuzinamo umuntu wino yapeela umulandu wa utazi wa katwe), ni misumba ii: Maanaimu,

Yoswa 20:8

Ukulambuka Luzi lwa Yodani lwaku ufumondaka ukufuma mu Yeliko yasolwile imisumba ii: ukufuma mu mutundu wakwe Lubeni, yasolwile umusumba wa Bezeli pa mpanga itumpuke nupya itambalale mu lwanga, nu musumba wa Lamoti mu mpanga ya Gileadi ukufuma mu mutundu wakwe Gadi, nu musumba wa Golani mu Basyani ukufuma mu mutundu wakwe Manase.

Utandiko 31:49

Labani avwanga ati, “Si Yawe alolekesya micitile itu kuno twaya ndi twapalukana.” Caleka cifulo cici yacitemile izina nalyuze yati, “Mizipa.”

Yoswa 13:25

Impanga ino wayapeezile aei, Yazeli, imisumba yonsi yaku Gileadi nga na citika wa mpanga ya ina Amoni ukufika nu ku Aloeli, lwaku ufumondaka wa Laba.

Yoswa 13:27

Nga ni mpanga zyaku Cifoloma ca Yodani wakwe zii: Beti Halamu, Beti Nimula, Sukoti na Zafoni kumwi nu wene uwasile wakwe Siooni umwene waku Hesyiboni (kuli kuti ku ufumondaka wa Luzi lwa Yodani, ni mpanga iyelile ukupela kufika ku mpela yakwe Yemba wa Galile).

1 Yamwene 4:14

Ainadabu umwana umonsi wakwe Ido wangalilanga ku Maanaimu