Yoswa 12:1 - Amazwi Yakwe Leza 2013

¹ Yaa ali yamwene ya mpanga ilya yano Mose pamwi na ina Izlaeli yacimvizye, nupya yano yaposile impanga yao lwaku ufumondaka wakwe Yodani, ukutandikila ku Cifoloma ca Alinoni ukufika nu ku Mwamba wa Helimoni nu ku lusansa lonsi lwa ufumondaka wa Alaba:

Yoswa 12:1 Referans Kwoze

Yakapingula 11:18

Lyene alino yakatwike nu kupita mu lwanga, iyapambata impanga ya ina Edomu ni ya ina Moabu, iyapita ku ufumondaka wa mpanga ya ina Moabu, nga iyakuula insakwe mu mbali ya Luzi lwa Alinoni. Yatingile mu mpanga ya ina Moabu, pano Luzi lwa Alinoni ali mumpaka na mpaka.

Yoswa 1:15

Lino anyonko yaca yacimvya yatandika nu kwikala mu mpanga ino Yawe Leza winu alayapeela, alino lyene mulaswilila nu kuya ikala mu mpanga iyo ino Mose umuomvi wakwe Yawe wamupeela lwaku ufumondaka wa Luzi lwa Yodani.”

Mpendwa 21:24

Lelo aina Izlaeli iyatola impanga zyao nga iyakomola anisi yao, nga iyapoka ni mpanga yakwe Siooni ukutandikila ku Luzi lwa Alinoni lwaku katutu kaku Yaboki, kuli kuti ku ina Amoni, lelo iyapeelela sile ku mupaka wao, pamulandu wakuti umupaka wao wacingililwe cuze.

Mpendwa 21:13

Alino iyatenuka ukufuma kuku nga iyaya yakuula insakwe ku mbalama ku katutu ka Luzi lwa Alinoni, mu lwanga ulwafuminkana ukufika ku mpanga ya ina Amoli. Luzi lwa Alinoni ali mumpaka wa ina Moabu na ina Amoli.

Ezaya 16:2

Lyene yalolele apa vituntu vya luzi lwa Alinoni, nu kupitana wa vyunyi vino iyasambulwila ivinsanzo.

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Yoswa 22:4

Lolini lyene Yawe watapeela umutende ku anyonko wakwe vino wayalavile. Lyene fwandi swililini kumwinu, ku mpanga ino Mose umuomvi wakwe Yawe wamupile lwaku ufumondaka wa Luzi lwa Yodani.

Yoswa 11:17

ukufuma ku Mwamba wa Halaki, ukukwela ukuya ku Seili, nu kufika ku Baali Gadi mu Cifoloma ca Lebanoni apisika lya Mwamba wa Helimoni. Alema yamwene yao yonsi nu kuyakoma.

Yoswa 11:3

Atuma nu ku ina Kenani ku ufumondaka nu ku uwondaka, ku ina Amoli, ku ina Hiti, ku ina Pelizi, nu ku ina Yebusi mu mpanga ya myamba, nga nu ku ina Hivi aikalanga mwisika ya Mwamba wa Helimoni mu mpanga yaku Mizipa.

Malango 4:48

Impanga kwene ii yatandikile pa musumba wa Aloeli, uno waya pa cituntu ca Luzi lwa Alinoni, ukufika nu ku Mwamba wa Siyoni (kuli kuti Mwamba wa Helimoni),

Malango 2:24

“Pacisila cakupita ukusalala mu mpanga ya Moabu, Yawe watunenyile ati, ‘Lyene tenukini nga mulambe Luzi lwa Alinoni. Namapeela mu makasa inu Siooni umwina Amoli, umwene waku Hesyiboni, kumwi ni mpanga yakwe. Yangini mukamuzanze mupoke impanga yakwe mwikale mwenemo.

Mpendwa 32:19

Alino swemo tutalakwata impanga ku mbalama yuze ya Yodani, pamulandu wakuti twapelwa mpiti impanga muno mbalama lwaku ufumondaka wakwe Yodani.”

Mpendwa 32:33

Acino Mose aankanya umutundu wakwe Gadi na wakwe Lubeni nga na citika wa mutundu wakwe Manase umwana wakwe Yosefu, impanga yonsi yakwe Siooni umwene wa ina Amoli, na yakwe Ogi umwene wa ina Basyani, ukuminkanya kumwi ni misumba yonsi ni mpanga iyayazinguluka.

Yoswa 13:8

Umutundu pakasi wakwe Manase nauze, nga na amu mutundu wakwe Lubeni na Gadi yene walanga yapokelela icaupyanyi cino Mose wayapeezile lwaku ufumondaka wa Luzi lwa Yodani, wakwe vino Mose umuomvi wakwe Yawe wayapezile.

Masamu 89:12

Wapanzile intunga yaku katutu upanga ni yaku kayeya. Mwamba wa Tabo nu wa Helimoni vikakuumilila utupundu ni nsansa.

Masamu 136:21

Wapile impanga yao ku antu yakwe wa cuma ca upyanyi, pano luse lwakwe ulwa pe na pee.

Mpendwa 21:21

Alino aina Izlaeli yatuma inkombe kuli Siooni, umwene wa ina Amoli, ku kumunena yati,

Mpendwa 32:32

Tulalamba imbalama yakwe Yodani pamwi ni vyanzo vitu, wakwe vino Yawe wapeela ilamulo, pakuti yace yatupele impanga itu kuno mbalama ya Yodani.”

Malango 2:32

Siooni na antu yakwe ali pa kwiza ku kutulwisya apipi nu musumba wa Yaazi.

Malango 3:1

“Icalondelile penepo cakuti twalungime lyene ku katutu ulunga nu ku Basyani, nga Ogi umwene waku Basyani pamwi ni vita vyakwe vyonsi yiiza iyatulwisya pipi nu musumba wa Edilei.

Malango 4:44

Mose wapeezile aina Izlaeli amasunde na masambilizyo yakwe Leza.

Malango 4:46

lino yali mu cifoloma lwaku uwondaka wa Luzi lwa Yodani, pipi nu musumba wa Beti Peoli. Mwali mu mpanga yakwe Siooni umwene wa ina Amoli, wino uwateekanga mu musumba wa Hesyiboni. Mose pamwi na Ina Izlaeli yamucimvizye lino yafumile mu mpanga ya Eguputo.

1 Yamwene 4:19

Gebeli umwana umonsi wakwe Uli wangalilanga ku Gileadi kumwi ni mpanga yakwe Siooni umwene wa ina Amoli nga ni mpanga yakwe Ogi umwene waku Basyani. Ukulunda pa alasi yaya ikumi na yaili, kwali umulasi wenga mpo uwa citungu cici.