Yoswa 11:20 - Amazwi Yakwe Leza 2013

²⁰ Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.

Yoswa 11:20 Referans Kwoze

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Malango 2:30

“Lelo Siooni umwene waku Hesyiboni atatuzumilizye ukupita ukusalala mu mpanga yakwe. Yawe Leza winu walenzile umwenzo wakwe uumalale nu kutalama pakuti amupeele mu makasa itu kuti tumucimvye nu kupoka impanga yakwe, ino napilelo tucili tukwikala mwenemo.

Yakapingula 14:4

Nga lelo akwasi yakwe yatamanyile ukuti icintu cico cikufuma kuli Yawe, pano umuli muno Yawe walondanga umwakusonkela aina Filisti. Pasi pano pa nsita ilya aina Filisti yateekanga aina Izlaeli.

Kufuma 14:17

Ndalenga aina Eguputo kuti yakome imyenzo cuze cakuti yalalondelela aina Izlaeli. Lulumbi lulapelwa kunondi pakucimvya Falao ni vita vyakwe vyamu maceleta kumwi ni vya pa mfwalasi.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

1 Yamwene 12:15

Icaleka umwene akana nu kulauvwa vino antu yakulanda, umulandu kwene uwakuti Yawe walondanga ukufikilizya cino Aiya waku Syilo wasesemile Yeloboamu umwana umonsi wakwe Nebati.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.

Kufuma 9:12

Lelo Yawe alenga Falao kuti akome umwenzo, wakwe vino Yawe wavwanzile ukuti, Falao ataluvwa ku mazwi yakwe Mose na Aloni.

Kufuma 10:1

Nupya Yawe anena Mose ati, “Yanga kwi sano unene Falao uti, ‘Nene natindenga kuti aliwe na yacilolo yakwe yakome myenzo pakuti incite vizungusyo pakasi kao.

Kufuma 11:10

Mose na Aaloni iyacita vizungusyo vyonsi pa manso yakwe Falao, lelo Yawe alenga Falao kuti akome umwenzo. Caleka atazumilizye aina Izlaeli kuti yafume mu mpanga yakwe

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 14:8

Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Milandu 22:7

Lelo Leza wene walanga watateyanyizizya calimwi kuti akuno Aaziya akafwile lino akutandalila Yolamu. Lino Aaziya wafisile kweneko wakatwike pamwi na Yolamu kwene kuti yakomanye Yeu umwana umonsi wakwe Nimisyi, uwasonsilwe na Yawe kuti alovye akazi kakwe Aabu.

Ezaya 14:24

Yawe Wamaka yonsi walapa wati, “Umu cumi vino napanga vilacitika, na vino napingula vilafikiliziwa.

Ezaya 34:2

Yawe watasokela antu amitundu yonsi kumwi ni vita vyao. Wene watapingula ukuyalovya. Alayakomola yonsi pyu.