Yoswa 11:17 - Amazwi Yakwe Leza 2013

¹⁷ ukufuma ku Mwamba wa Halaki, ukukwela ukuya ku Seili, nu kufika ku Baali Gadi mu Cifoloma ca Lebanoni apisika lya Mwamba wa Helimoni. Alema yamwene yao yonsi nu kuyakoma.

Yoswa 11:17 Referans Kwoze

Malango 7:24

Wene alika yamwene yao mu makasa inu. Namwe mulayakoma, nga antu yalayilila. Kusi umwi alamulesyanya ukucita cico. Mwemo mulonona yonsi pyu.

Yoswa 13:5

Ni mpanga ya ina Gebali, nga ni ncende yonsi iya Lebanoni lwaku ufumondaka kufumilila ku Baali Gadi mwisika ya Mwamba wa Helimoni ukufika ku Lebo Hamati.

Yoswa 11:3

Atuma nu ku ina Kenani ku ufumondaka nu ku uwondaka, ku ina Amoli, ku ina Hiti, ku ina Pelizi, nu ku ina Yebusi mu mpanga ya myamba, nga nu ku ina Hivi aikalanga mwisika ya Mwamba wa Helimoni mu mpanga yaku Mizipa.

Yoswa 1:4

Impanga inu ilatandikila ku lwanga ku kaeya ukufika nu ku Myamba ya Lebanoni mpaka nu ku Luzi lwa Yufulate alino nu kwiza senuka ku mpanga yonsi iya ina Hiti mpaka nu kwizasinta kuli Yemba wa Adiliya, yonsi ii ilaya impanga inu.

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Malango 2:1

“Mukusyalikizya tusuka tusenuka nga itutenuka kulungama ku lwanga, tupita umu nzila iyaya kuli Yemba Muyenzu, wakwe vino Yawe wapeezile ilamulo. Nupya twasumvile insita tula tukululumba mu mpanga ya myamba ya Edomu.

Utandiko 32:3

Lyene Yakobo atuma inkombe pa nkolelo yakwe kuli silenzi Esau ku mpanga ya Sili uku Edomu.

Malango 3:9

(Aina Sidoni yakaama Mwamba wa Helimoni yati Silioni. Aina Amoli nayo yakaawama yati Senili.)

Yoswa 11:18

Yoswa alwisyanya na yamwene yaa yonsi pa nsita ntali.

Masamu 89:12

Wapanzile intunga yaku katutu upanga ni yaku kayeya. Mwamba wa Tabo nu wa Helimoni vikakuumilila utupundu ni nsansa.

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.