Yoswa 10:40 - Amazwi Yakwe Leza 2013

⁴⁰ Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.

Yoswa 10:40 Referans Kwoze

Masamu 9:17

Imfwa ali uyo wa antu aipe, yayo yonsi akana Leza.

1 Yamwene 15:29

Lilyo kwene lino watandika ukuteeka, akoma akazi kakwe Yeloboamu yonsi. Wene atasile nanti wenga umupuma, lelo wakomile yonsi pyu, wakwe muno Yawe wavwangile muli Aiya umwina Syilo.

Yoswa 10:37

Iyapokolola umusumba ulya nu kukomola aikazi ya mwenemo kumwi nu mwene, na aikazi yonsi amu mizi yakweo. Yatasile umuntu nanti umwi umupuma. Wakwe vino cali ku musumba wa Egiloni, avino yacitile nu musumba ulya.

Yoswa 10:35

Iyapoka umusumba mu wanda kwene ulya nga iyakomola nu kulovya yonsi aikalanga mwenemo, wakwe vino yacitile umusumba wa Lakisyi.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Yoswa 8:27

Lelo aina Izlaeli iyaitolela iviteekwa ni visampwe ivyamu musumba ulya, wakwe vino Yawe wanenyile Yoswa.

Yoswa 8:2

Ulacitila umusumba wa Ai nu mwene wauko vivi kwene vino wacitile umusumba wa Yeliko nu mwene wauko, suka sile ivisampwe nga ni viteekwa vyene mungasenda. Tuma ivita ivya kuyateyamila kunzi ya musumba ulya.”

Yoswa 6:17

Umusumba uu pali pamwi na kali konsi akaya mwenemo, vyapeelwa kuli Yawe kuti vyononwe. Kusi umwi uwakusya umupuma, suka sile cizelele Laabu apali pamwi na yao yonsi ali mu ng'anda yakwe na aliwe. Pasi pano wene wafisile inengu zino twatumile.

Malango 7:24

Wene alika yamwene yao mu makasa inu. Namwe mulayakoma, nga antu yalayilila. Kusi umwi alamulesyanya ukucita cico. Mwemo mulonona yonsi pyu.

Yoswa 18:21

Imisumba ya luko lwa ana yakwe Benjamini, uluko nu luko aei: Yeliko, Beti Hogila, Emeki Kezizi,

Yoswa 12:8

Impanga kwene iyo yali ya myamba, misana ya twamba yaku uwondaka, ni ya Alaba, ukwisika lya mutentemuko wa mwamba, ulwanga, ni mpanga ya Negebu. Mu mpanga kwene iyo umwikalanga aina Hiti, na ina Amoli, na ina Kenani, na ina Pelizi, na ina Hivi nga na ina Yebusi.

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Kufuma 34:12

Mutacita cipangano na antu ya, ku mpanga ino mukuyako, pano limwi mungaiteya lukose lwakulenga kuti mwaifya kuli Yawe.

Yoswa 10:39

Iyapokolola umusumba, nu mwene nga ni mizi yakweo, nga iyakomola aikazi ya mwenemo. Yatasile umuntu nanti umwi umupuma. Yacitile umusumba wa Debili nu mwene wauko wakwe vino yacitile umusumba wa Hebuloni nu wa Libina nu mwene wauko.

Yoswa 11:16

Avili vino Yoswa waposile impanga yonsi, impanga ya myamba, impanga yonsi iya Negebu, impanga yonsi iya Gosyeni, imisana ya twamba yaku uwondaka, impanga ya Alaba, nga ni mpanga ya ina Izlaeli ya myamba ni misana yakweyo,

Mpendwa 13:17

Pa kuyatuma ku kwendezya impanga yaku Kenani, Mose ayanena ati, “Pitini mulemele ku Negebu alino mutumbele impanga ya myamba.

Malango 2:34

Lilyo kwene itupokolola nu konona imisumba yakwe yonsi, nu kukoma antu onsi, aonsi, anaci, na ana kwene. Tutasile nanti wenga uwa mbezu.

Neemiya 9:24

Fwandi ali vino ana yano yingile mwenemo yaipoka nu kuipoka. Yazanzile aina Kenani mpaka yazuka yaya zii, kumwi na yamwene ya mwenemo na antu yao, yayanyata yacita na vino yakulonda kunoyali.