Yoswa 10:37 - Amazwi Yakwe Leza 2013

³⁷ Iyapokolola umusumba ulya nu kukomola aikazi ya mwenemo kumwi nu mwene, na aikazi yonsi amu mizi yakweo. Yatasile umuntu nanti umwi umupuma. Wakwe vino cali ku musumba wa Egiloni, avino yacitile nu musumba ulya.

Yoswa 10:37 Referans Kwoze

Yoswa 10:36

Lyene Yoswa na ina Izlaeli yonsi iyafuma ku musumba wa Egiloni iyaya ku musumba wa Hebuloni nga iyauzanza.

Yoswa 10:38

Alino Yoswa kumwi na ina Izlaeli yonsi iyasenuka nga yazanza umusumba wa Debili.

Kufuma 17:13

Mu musango kwene uu Yoswa acimvya aina Amaleke.

Yoswa 10:28

Pa wanda uli umwi kwene Yoswa apokolola umusumba wa Makeda nga akomola aikazi ya mwenemo yonsi pyu kumwi nu mwene wauko. Atasile umuntu nanti umwi umupuma. Wene wacitile umwene waku Makeda wakwe vino wacitile umwene waku Yeliko.

Yoswa 10:35

Iyapoka umusumba mu wanda kwene ulya nga iyakomola nu kulovya yonsi aikalanga mwenemo, wakwe vino yacitile umusumba wa Lakisyi.

Yoswa 10:39

Iyapokolola umusumba, nu mwene nga ni mizi yakweo, nga iyakomola aikazi ya mwenemo. Yatasile umuntu nanti umwi umupuma. Yacitile umusumba wa Debili nu mwene wauko wakwe vino yacitile umusumba wa Hebuloni nu wa Libina nu mwene wauko.

Yoswa 10:40

Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.

Yoswa 11:12

Yoswa watozile imisumba yonsi ilya ayonona nga akoma na yamwene yakweyo yonsi pyu, wakwe vino Mose umuomvi wakwe Yawe wapeezile ilamulo.