Yoswa 10:26 - Amazwi Yakwe Leza 2013

²⁶ Lyene Yoswa akoma yamwene yalya yasano nu kuyakulikila ku miti isano, akuno iyalelemba ukufika na lino ilanzi lyawa.

Yoswa 10:26 Referans Kwoze

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Esita 2:23

Umwene nawe alondelezya umulandu, nga azana ukuti icacumi avivyo kwene. Fwandi lyene yayo yoili iyaya yayakulikila uku cimuti. Alino umwene akonkomezya kuti yalembe umulandu uu umu lupapulo, apa manso yakwe, mumo umwalembwa imilandu ya mpanga ino yacitikanga umu nsita ni nsita.

2 Samueli 21:9

Lyene ayapeela ku ina Gibyoni, nga nayo yayanyonga pa mwamba ulya pa manso yakwe Yawe. Nga yonsi kwene cinimbali yafwa pali pamwi. Yonsi kwene yakomilwe pa mwela mu manda yakutandika ukuzombola imbezu zyakwe baale.

2 Samueli 21:6

Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.

Yakapingula 8:21

Alino Zeeba na Zalemuna iyanena Gidyoni yati, “Katuka sile utukome wewe kwene! Ivyaya umonsi, ivilinzile kuya na maka yakwe.” Acino Gidyoni akatuka, akoma Zeeba na Zalemuna, alino atoola ni viyembelo ivyali mu nsingo zya ngamila zyao.

Mpendwa 25:4

Alino Yawe anena Mose ati, “Tola intunguluzi zyonsi izya ina Izlaeli uzikome pa lwalala pa manso yane pakuti intakatale insokele aina Izlaeli nupya.”

Yoane 19:31

Wali uwanda wakuteyanya Sabata. Na Sabata walondelile wali uwamuzilo kuluta. Na Ayuda yatalondanga antu kusyala pa lupanda pa wanda wi Sabata. Acino yuzya Pilato kuti yavune maulu yakwe yao atanyilwe, nga yaisye.

Masamu 18:41

Nanti yangapunda ukutuulwa, lelo kutange kuye uwakuyatuula. Yangapunda Yawe, lelo atange ayaasuke foo.

Masamu 149:7

Ali pakuti yakailandwile aeneco uku inamasi, nu kuvunuka antu ya mitundu yuze.