Yoswa 10:20 - Amazwi Yakwe Leza 2013

²⁰ Acino Yoswa na ina Izlaeli iyakomola antu yalya yonsi, suka sile yanono autukile mu misumba yao iyamalinga.

Yoswa 10:20 Referans Kwoze

Yoswa 8:24

Lino aina Izlaeli yamala ukukomola aonsi yonsi aina Ai mu citungu cici nu mu lwanga muno yayazinginye, nga na lino yakomola antu yonsi, aina Izlaeli yonsi kwene iyaswilila ku Ai iyaya iyakomola yao ali mwenemo.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

2 Milandu 13:17

Abiya pamwi na antu yakwe iyakomola aina Izlaeli wakwe cimwi, cakuti aina Izlaeli afwile yali imyanda isano.

2 Samueli 20:6

Acino Davidi anena Abisyai ati, “Syeba amatuletela intazi izingi ukuluta zino Abusalomu watuletile. Toola yakalinda yane akwi sano nga umulondelele pipi pipi pano limwi angaya akikale mu misumba iyakulililwa amalinga nga tumupanye.”

Yoswa 10:10

Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Malango 20:16

“Lelo lino mwaca mwapoka imisumba ya mpanga ino Yawe Leza winu akumupeela iye iyakwinu, muce mukome antu yonsi.

Yoswa 10:19

Lelo mwemo mutaezya ukusyala papa. Twalililini kucocovya anisi inu, muyazanze lwa kucisila nupya mutayata yafike ku misumba yao, pasi pano Yawe Leza winu watayapeela mu makasa inu.”

Yoswa 10:21

Lyene ivita vyonsi iviswilila kuli Yoswa mu nsakwe ku Makeda ukwaula kuzanzwa. Kutali umuntu nanti wenga uwamu mpanga ilya uwacisile kasokonda ku ina Izlaeli.

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yoswa 11:12

Yoswa watozile imisumba yonsi ilya ayonona nga akoma na yamwene yakweyo yonsi pyu, wakwe vino Mose umuomvi wakwe Yawe wapeezile ilamulo.

1 Yamwene 20:21

Umwene Aabu asyala atoola vimwi vimwi pali vino ati yapuuka iyasya, ivili wa mfwalasi na maceleta. Alivino Aabu wacimvizye aina Asilya wakwe cimwi.