Yoswa 10:16 - Amazwi Yakwe Leza 2013

¹⁶ Lyene yamwene yalya yasano aina Amoli iyutuka nga iyaya iyafisama umwi cele ku Makeda.

Yoswa 10:16 Referans Kwoze

Umbwilo 6:15

Lyene yakateeka amu nsi, intunguluzi na yamusika akulu avita, akama na antu ya maka, nga na antu yauze, azya na antungwa yonsi yafisama mu macele nu mwisika lya milunda yamu myamba.

Mika 7:17

Yalaakulika mu lukungu wa nzoka, wa viumbwa vino vikasela pansi. Yalafuma mu misumba yao yamalinga ala yakuzakaza uku ntete. Yalawela ni coopo kunuli we Yawe Leza witu, nu kuvwa intete pali wewe.

Amosi 9:2

Ndi cakuti yangimba pansi mpaka yafike ku cifulo ca afwe, ikasa lyane lilayalema kuko kwene. Ndi cakuti yangakwela ukwiyulu kupela, ndayisya ukufuma kweneko.

1 Samueli 24:8

Lyene Davidi afuma mwi cele nga aama Saulo ati, “We musambazi umwene wane!” Lino Saulo wacelecensya monsi, Davidi akunkula pansi mucinzimucinzi

1 Samueli 24:3

Lyene Saulo aiza kwi cele ilyali pipi ni vitata vya mfwele ivyali lwamu mbali ya museo, nga aingila mwenemo kuti aye ukunzi. Davidi na antu yakwe yali mukasikasi ki cele kwene li.

1 Samueli 13:6

Lino aina Izlaeli yalola ukuti lyene catala, pamulandu na ina Filisti kuyawilila na maka, iyatandika ukufisama umu macele na muli yapolowe alino nu mutumamfyata twa mawe kumwi numu vifula.

Yakapingula 6:2

Aina Midyani yali amaka ukuluta aina Izlaeli, nga na ina Izlaeli iyafisama ukufuma ku manso yao mu macele nu mu ncende zyuze mu twamba.

Yoswa 10:5

Lyene yamwene yalya yasano ya ina Amoli, umwene waku Yelusalemu, nu waku Hebuloni, nu waku Yalamuti, nu waku Lakisyi nu waku Egiloni iyuminkanya ivita vyao. Alino iyakatusya vita vyao vyonsi iyaya iyateyamila ku musumba wa Gibyoni nga iyauzanza.

Yoswa 10:15

Lyene Yoswa aswilila pamwi na ina Izlaeli yonsi ku nsakwe ku Giligali.

Yoswa 10:17

Lino Yoswa yamunena ukuti yamwene yalya yasano yatiyayazana yafisime umwi cele ku Makeda,

Masamu 68:12

“Ala yamwene ni vita vyao yatiyapuuka!” Yamangu asiile umu misumba ali yano yankanyanga ivisampwe.

Masamu 68:13

Lelo yakuloleka kwati inkunda zino yengelelako siluva zizyo zino amapa yakuyengesa wakwe zaabu, umwengululwe usaka sana. (Uzye icani cino anji yamwi nalyo kwene ale yasile yayizi mu vitata vya mfwele?)