Yoswa 10:13 - Amazwi Yakwe Leza 2013

¹³ Acino ilanzi ilimilila sika, umwezi nao utatazile usele, mpaka aina Izlaeli iyamala ukukoma anisi yao, wakwe vino calembwa mu Lupapulo lwakwe Yasyali. Ilanzi lyaimi apakasi ka mutwe nga ilicelwa ukuwa pipi nu kusila kwa wanda onsi.

Yoswa 10:13 Referans Kwoze

Habakuku 3:11

Ilanzi nu mwezi ivimilila umwiyulu, apakulola ukuyengesa kwa nceto zyako, nu kukaoka kwa kuyengesa kwi sumo lyako.

Ezaya 38:8

Naco aeci icakuti, namaleka ukuti icinzingwa ciswilile cundansizi intampulo ikumi lyonga, cino cili apa mutanto uwapanzile Aazi.” Awe mukwai, ni cinzingwa catandika nu kuwelela ukucisila, casuka cafika na palutampulo ulwalenga ikumi.

Yoswa 10:14

Kutatala kwaloleka uwanda wakwe uu ukutandika sile ku mpiti nanti pa manda alondelile kuno Yawe uvwila umuntu. Mucumi Yawe uwalwilanga aina Izlaeli!

Yakapingula 16:28

Alino Samusoni apepa kuli Yawe ati, “Yawe Simwandalali, napapata su nganjiusya. Su mpeele nupya amaka nanti iila lyonga kwene, ngu leke kuti ndandule pa manso yane yoili yano aina Filisti yantonkola.”

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

Yowelo 3:15

Ilanzi nu mwezi vilaya wa mfinzi, ni ntanda nazyo zilata ukuwala.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Masamu 148:3

Mulumbanyini mwe lanzi nu mwezi, mulumbanyini mwe ntanda zyonsi iziyengese!

Masamu 19:4

Ukuvwika kwa viko kukaya umu nsi yonsi. Na mazwi yaviko yakalimba uku mpela ya nsi. Wakuulila ilanzi umwakwikala umwiyulu.

Esita 8:13

Amazwi a muli kalata wiyo, yali akusalanganya wi landwe umu vitungu vyonsi, apakuti yamanyikwe kuli wensi pyu. Nu kuti, Umuyuda wensi akaye umuiteyanye apa wanda uwa umu kuyalandula pali vino anisi yao yayacita.

2 Samueli 1:18

Apela ni lamulo kuti a Yuda yasambiliziwe ulwimbo lwa ndosya ndi muno calembelwa mu Lupapulo lwakwe Yasyali.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Yakapingula 5:2

Lumbanyini Yawe Aina Izlaeli yaifimile ukulwa Antu yaipile ku kuitemelwa kwao sile!

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Mpendwa 31:2

“Landwila aina Izlaeli cilanduzi cakwe vino aina Midyani yayacitile. Pacisila cakuyalandwila, lyene ungafwa.”

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Milimo 2:20

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi uwa Mwene utacili ufike.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Mpendwa 21:14

Ali cino Lupapulo lwa Nkondo zyakwe Yawe lukati, “Waebu mumbali yakwe Sufa, nga ni vifoloma, Luzi lwa Alinoni,

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

2 Yamwene 20:10

Hezekiya wene aasuka sile ati, “Ala icintu cimwi icangupale sana uku cinzingwa ukuya imilila uku nkolelo apacisila ca ntampulo ikumi. Fwandi wemo leka ciye cimilile apacisila ca ntampulo ikumi, zizi kwene zino umwene Aazi wapanga.”

Yobo 9:7

Leza angapeela ilamulo kwi lanzi kuti litatunka, nu kuvimba apa ntanda kuti zitawala.