Yoswa 10:10 - Amazwi Yakwe Leza 2013

¹⁰ Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Yoswa 10:10 Referans Kwoze

Masamu 18:14

Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Yoswa 16:5

Impanga iyapilwe ku mutundu wakwe Efulemu, uluko nu luko aei: Umupaka wao waku ufumondaka watandikila ku Ataloti Adali nga iutumbela ku Beti Holoni wapapeela.

Yoswa 16:3

nga itentemukila ku ufumondaka ku mpanga ya ina Yafuleti ukufika nu ku mupaka wakwe Beti Holoni wakwisika nga iufika nu ku Gezeli, nga iupelela muli Yemba.

Ezaya 28:21

Yawe alakanzaana pakulwisya, ndi vino wacisile apa mwamba wa Pelazimu, nu mu cifoloma ca Gibyoni. Ali kuti ace aombepo cimwi cino wapanga ukuomba nanti angala cino wapanga ukuomba cikuloleka ungati icintu sile cuze cuze. Ukuya kwene alamala ukuomba umulimo uo, lelo umulimo uo umulimo uwile.

Yakapingula 4:15

Lino Balaki ni vita vyakwe yatandika kuzanza, Yawe avulunganya Sisela kumwi na maceleta ni vita vyakwe kwene. Sisela aika mwi celeta lyakwe nga atandika nu lwilo pansi.

Yoswa 15:35

Yalamuti, Adulamu, Soko, Azeka,

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Yelemiya 34:7

Lilyo ala ivita vyaku Babiloni vikulwisya Yelusalemu ni misumba yuze yamalinga, imisumba sile iyamalinga iyasile umu Yuda a Lakisyi na Azeka.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

2 Milandu 14:12

Fwandi Yawe Leza nawe ali pakukomola aina Kusyi pa manso yakwe Asa na ikazi aku Yuda. Aina Kusyi yayacimvya nga yapuuka.

1 Samueli 13:18

ni mpuka yuze ilungama ku Beti Holoni, nga yakwe citatu ilungama lwaku mupaka ukulolenkana papela ya Cifoloma ca Zeboimu nu lwanga ululi ukulutwe.

Yoswa 21:22

nu wa Kibuzaimu nu wa Beti Holoni, kumwi ni mpanga yakweyo yamulemvwe iyakucemela mwenemo. Yonsi pamwi yali imisumba ini.

Yoswa 15:41

Gedeloti, Beti Dagoni, Naama na Makeda. Yonsi pamwi yali imisumba ikumi na mutanda ni mizi yakweyo.

Yoswa 12:16

umwene waku Makeda, umwene waku Betele,

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yoswa 10:28

Pa wanda uli umwi kwene Yoswa apokolola umusumba wa Makeda nga akomola aikazi ya mwenemo yonsi pyu kumwi nu mwene wauko. Atasile umuntu nanti umwi umupuma. Wene wacitile umwene waku Makeda wakwe vino wacitile umwene waku Yeliko.

Malango 7:23

Lelo Yawe alika anisi inu mu makasa inu nu kuyoofya mpaka yasuke yononwe.

Yoswa 10:9

Pacisila ca kupita usiku onsi ukufuma ku Giligali, Yoswa ayapumikizya pa kuyazanza.

1 Samueli 17:1

Alino lyene aina Filisti nayo iyakonganika ivita vyao ivya nkondo. Iyakongana ku Soko uwamu Yuda. Iyimika amataalu yao ku Efesi Damimu, pakasi kakwe Soko na Azeka.

2 Samueli 22:15

Wene afiika imivwi yakwe mpaka asalanganya anisi yakwe, ku kumyansya kwa nkuwa wene ayazinga mpaka iyutuka.

1 Yamwene 9:17

Ali cino Solomoni wakuululwile umusumba uwo wa Gezeli.) Akuula ni misumba ii: Beti Holoni,

Masamu 68:14

Nga lino Umweneco wamaka yonsi wapusizye yamwene, yasansantika, nga cali kwati akungwi uwaponile pali Zalimoni.

Yakapingula 4:16

Balaki nawe azinganya amaceleta yalya ni vita mpaka ukufika ku Halosyeti Hagoyimu. Ni vita vyonsi vyakwe Sisela iyavikomola. Kutasiile nanti wenga.

Yakapingula 5:20

Intanda izyalwa ukufuma umwiyulu, intanda izyalwisya Sisela, lino zikupita ukucilinganya iyulu.

2 Milandu 25:13

Apa nsita kwene ilya ivita vivi vino Amaziya atazumilizye kuti vipite nawe uku kulwa inkondo, nupya vivi kwene vino walanga wataviswilizya kuno vyafumile, iviya vizanza imisumba yaku Yuda ukutandikila sile ku Samaliya mpaka ukufika ku Beti Holoni. Ivita vivi ivikoma antu amazimbi yatatu nu kusenda ivisampwe nyanya.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Zakaliya 14:3

Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.