Yona 3:6 - Amazwi Yakwe Leza 2013

⁶ Lino umwene waku Ninive uvwa ivintu vii, akatuka nu kufuma pa cilimba cakwe ca wene, azula nu mwingila wakwe uwa wene, nga azwala ni cakuzwala cakwe cakulanga ulanda nga aikala nu mulutukumbu.

Yona 3:6 Referans Kwoze

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Luka 10:13

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange ikale pansi, yazwale masaaka, nu kuiswela itwi kuti yalange vino yati yazenzuka.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Yelemiya 13:18

Lyene Yawe avwanga kunondi ati, “Nena umwene nga unene na nyina kwene, namwene ukuti yasenke apa vilimba vyao vya wene. Pasi pano ivilongwe vyao vya wene iviyembe vyativipona ku mitwe yao.”

Mika 1:10

Mutanena anisi itu aku Gati pa kucimviwa kwitu, nupya mutaleka kuti yalole kuno mukulosya. Mwe ikazi aku Beti Leafula, muivumvunye mu lukungu, pakuti antu yalole ukuti muli nu ulanda.

Nyimbo zya ndosya 3:29

Tutailizyanya foo pano limwi ukwinamika umutwe pansi kungaleta utailo.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Ezaya 15:3

Yene yazwite visamu umu miseo, nu kulila impoma papela ya mapaala ya ng'anda zyao, nga nu mu masansa ya miseo.

Yelemiya 36:24

Umwene pamwi na aomvi yakwe, nanti angala yuvwile amazwi yaa yonsi, lelo yatakweti intete foo. Yatalepwile ni nsalu zyao.

Nyimbo zya ndosya 2:10

Aikolo amu Yelusalemu lyene yakwikala sile pansi nu kukungumala. Yakuuivusya ivu ku mitwe nu kuzwala ivisamu. Akazyana amu musumba nayo yakukontamika sile imitwe pansi.

Ezekelo 26:16

Intunguluzi zyonsi zya pali yemba zilatenuka pa vilimba vyakwezyo, zilazuula imingila yakwezyo ni nsalu zyakwezyo zipikulwe. Zilalemwa ni ntete nu kwikala pansi. Zilazakaza ukwaula ukuta, zilasyala na masakamiko pamulandu wako.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

Yelemiya 36:13

Mikaya ayalandila amazwi yonsi yano uvwile, yano Baluki wawelenzile pali kalata.