Yona 1:14 - Amazwi Yakwe Leza 2013

¹⁴ Lyene yapepa kuli Yawe, yati, “Iye we Yawe, twapapata utaleka tufwe pamulandu wakukoma umuntu wi. Utaleka tuye amulandu pa kukoma umuntu wi uwakaele, pasi pano we Yawe watucita icakukuzanzya.”

Yona 1:14 Referans Kwoze

Masamu 115:3

Ala swemo Leza witu waya umwiyulu, akacita na vyonsi vino atemilwe.

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

Malango 21:8

We Yawe, elela antu yako aina Izlaeli, yano wakulwile ukufuma mu Eguputo. Utwelele nupya utatupela mulandu uwa kukoma umuntu wii wino asi nu mulandu.’

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Masamu 107:28

Nga alino umu ulanda wao iyalilila kuli Yawe, nawe ayapususya umu ntazi zyao.

Mateo 11:26

Endi Tata, cii acino walondanga kuti cicitike.

Yona 1:16

Apa kulola vii alendo yalya yoopa Yawe, nga yapela impolelwa kuli Yawe nu kulapa imilapo kunoli iyakumutumikila.

Yona 1:5

Yonsi ali pa lwendo umu combo yuvwile intete nga cila muntu apepa kuli leza wakwe. Lyene yasumbila iviya muli yemba kuti icombo cangupale. Lelo walanga Yona wataingila mu muputule wa pansi mu combo, mumo muno waile alambalala nga akasula utulo.

Efeso 1:9

nga kupitila muli vino Klistu wacita, Leza watulanga mapange yakwe ankama.

Milimo 28:4

Lino antu akucilila cii yalola inzoka ala ikunyinyinda kwi kasa lyakwe Paulo yavwanga yati, “Muntu wii alinzile kuya inkomi, lelo nanti angala watapusuka ku manzi, Leza wa ololoke atakumuleka aye umumi.”

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

Yona 1:13

Nanti cali vivyo, antu yalya yezya na maka yao yonsi ukupisya icombo kuti yawelele ku cituntu. Lelo yaposiwa, pamulandu wakuti icipupu cilunduluka ukukoma.

Yona 3:8

Antu yalinzile ukuzwala vyakuzwala vyakulanga ulanda nga ni nyama nazyo muzivimbe ni vyakuzwala kwene vivyo. Cila muntu alinzile apimpe ukupepa kuli Leza. Endi, umuntu ali wensi alinzile ukuta imisango yakwe ya nkota kumwi ni vicitwa vyakwe viipe.