Yobo 9:34 - Amazwi Yakwe Leza 2013

³⁴ Kusi umuntu nanti wenga angalesyanya ukuti Leza amvunuke, apakuti ate nu kungoofya.

Yobo 9:34 Referans Kwoze

Masamu 39:10

Utatwalilila ukuncuzya nupya! Pano namaifwila sile lyene uku vyumo vyako!

Yobo 33:7

Fwandi kusi nanti cimwi icingalenga kuti wemo uwaoopa nene, nanti inkufyengelekezye, pasi pano nemo ntakukupatikizya foo.

Yobo 13:11

Uzye kwene mwemo mutangemuvwe ni nsonyi izyakukanaya ni coopo ca ucindami wakwe Leza? Uzye kwene cisimuletela intete icakucindama kwakwe?

Masamu 90:11

Aweni angamanya apangapelela ukali wako, nanti ukumanya apangapelela amaka yako ni cintinya cakusoka kwako?

Yobo 37:1

“Ukukulukunta nu kupanta kwa nkuwa ali vino vikuleka umwenzo wane ukuzakaza nu kutunta mu cifuwa cane.

Yobo 31:23

Ukali wakwe Leza unjizile. Alino nu kuya kwene nemo, intange intale ncicite, apamulandu wakuti Leza wacindama.

Yobo 23:15

Fwandi cico kwene ali mulandu kwene uno nkuvwila intete zyakuyatankamala panoli. Pasi pano ndi natandika ukwelenganya, ali lino ni ntete zikucilila mwenemo ukundema.

Masamu 89:32

lyene nemo ale ndayapolola ni ntuwa apamulandu nu uyi wao. Ndayanyambola ni mikota pa kuluvyanya kwao.

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.