Yobo 8:18 - Amazwi Yakwe Leza 2013

¹⁸ Lyene kalolo wiyo ndi cakuti wamwipa, kusi nanti wenga angiza amanye ukuti wali paa.

Yobo 8:18 Referans Kwoze

Yobo 7:10

Atangatale aweluluke nupya uku ng'anda yakwe, ni cifulo cakwe kwene cilamwilila.

Masamu 37:36

Lino napisileko nupya, awe nazanyile asipo. Inezya ukulondelezya awe cumi asi wakuloleka foo.

Yobo 7:8

Namwe mwemuno mukundola pali ndakai mutalatala mundole nupya. Mulalonda ukundola, lelo nemo ntalaya penepo.

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Masamu 37:10

Kwasyala sile akasita kanono, umwipe atalaya penepo. Nga wacelecensya apa ncende yakwe, utalamuzana foo.

Yobo 20:9

Amanso amulolanga yatalatala yace yamulole nupya, ni cifulo cakwe pano watenzi icita nu kuloleka.

Yobo 8:17

Imisisi yakwe kalolo ikapombelezya uku mutumba wa mawe, nga iyandatila uku mawe kwene yayo.

Yobo 20:7

lelo wene alongoloka sile wa muyeye. Na yayo amumanyile yatandika nu kuuzya yati, Mwe, uzye umuntu wilya waya kwi?

Masamu 103:16

Lino umuza wiza walyululula ali myulukile, vivyo kwene ilipita, uponga na pano lyali lili.