Yobo 7:21 - Amazwi Yakwe Leza 2013

²¹ Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Yobo 7:21 Referans Kwoze

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Yobo 10:14

Lino nifyanga wancelekanga sile apakuti nemo ntakalole apa kufuntukila umukuponga kwane.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

Ezaya 64:9

Ali cino fwandi, utaasoka vivyo nanti kwelenganyapo sana apa uyi witu. Swemo sweswe antu yako, wemo watuyelelako sile uluse.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Masamu 103:15

Umuntu wene umi wakwe waya wi sote, akawalula nu kukula wi luwa lya mpanga.

Masamu 37:36

Lino napisileko nupya, awe nazanyile asipo. Inezya ukulondelezya awe cumi asi wakuloleka foo.

Yobo 17:14

Alino nu kunena imbiko inti, ‘Wewe uli tata.’ Nu kunena ingonyo inti, ‘Mwemwe muli mayo, nupya mwemwe muli yakazi kane.’

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Yobo 7:8

Namwe mwemuno mukundola pali ndakai mutalatala mundole nupya. Mulalonda ukundola, lelo nemo ntalaya penepo.

Yobo 3:13

Vyonsi vivyo vikana kucitika, ngano vii nkupuza. Ngano nindala utulo ninkasula.

2 Samueli 24:10

Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

Yobo 8:1

Lyene Bilidadi umwina Syuwa aasuka ati,

Yobo 9:28

Awe nalyo kwene intete izindema apa kwelenganya ucuzi wane onsi, pasi pano manyile ukuti Leza wanzana nu mulandu.

Yobo 13:19

Uzye akunoli umwi angampeela umulandu? Ndi cakuti akunoli, lekini aize. Ninjiteyanya namazuka cele nga mfwe.

Yobo 27:19

Apa nsita imwi yakusyalikizya akama yayo yalalambalala pansi, lino yacili nu ukama, nga lelo lino yalazyuka, yaliukila sile pasi nanti conga apa vyuma vyao.

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.

Yobo 14:10

Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

Yobo 20:8

Akauluka sile wa ciloto, icisimanyikwa na muno cali cilozile. Akaongoloka wa vilolwa vya usiku, ivisiloleka nalyuze.