Yobo 6:26 - Amazwi Yakwe Leza 2013

²⁶ Uzye mwemo mukulola kwati nkulanda ivyacilandelande? Nu kuleka amazwi ya muntu uwapelembekelwa yuluke wakwe nkungulupya.

Yobo 6:26 Referans Kwoze

Yobo 8:2

“Uzye we Yobo ulata lilaci ukuvwanga icili cimwi kwene? Amazwi yako yaa yakupita ungati cipunga.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Mateo 12:37

Pano Leza alaomvya mazwi yako kuti asininkizye ndi wewe wakaele nanti uwa mulandu.”

Oseya 12:1

Vyonsi vino Aluko lwakwe Efulemu yakacita ukutandikila akatondo mpaka usiku ivyasilesile, nupya vikaonona. Ucenjezi ni vicitwa vya usomvi vikusanduluka pakasi kao. Yene yakapangana na ina Asilya nu kucita uculuzi na ina Eguputo.

Yobo 42:7

Walanga Yawe wamala ukunena Yobo amazwi yaa, alino anena Elifazi umwina Temani ati, “Nemo natinkusokela wakwe cimwi, pamwi na auzo yoili, apamulandu wa kukanalanda ivyacumi pali nene, ndi muno umuomvi wane Yobo wavwangile.

Yobo 42:3

Wemo wanguzya ningo uti, ‘Uzye weweni wemuno ukwezya ukuvulunganya umpandamano wane, apamulandu wakulanda amazwi akuzaila sile?’ Cumi kwene nalanda apa vintu vino nemo naposiwa ukwiluka. Nalanda na pa vintu vyakuzunguka vino vyampezya na mano, vino ningaposiwa ukumanya.

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Yobo 40:5

Natimvwanga mpiti caticisila, intange nswilizye nupya, awe.”

Yobo 38:2

“Uzye wewe weni, wemuno ukuuzikisya nu kuvulunganya vino napingula? Ala mwine Yobo, ukuzaila sile!

Yobo 10:1

“Apamulandu wakuti nemo lyene caticifuula ukwikala pano nsi, fwandi nkanalukuilizyanya sile.

Yobo 6:9

Nemo nkuti kale Leza ansyunole sile. Angala atoole ikasa lyakwe ale amalile cile cisile sile!

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Yobo 6:25

Imivwangile umuli amano yene ikasinila. Lelo ukunenola kwinu ukwa kuzamba kungangazwa cani?

Yobo 15:2

“Uzye kwene umuntu wa mano ali wino angaasuka amazwi ya uwelewele? Nanti ukwikuta umuza ukaye uno ukafuma uku ufumondaka?

Yobo 16:3

Mulata lilaci ukuvwanga ivyakuzailazaila? Uzye cikamupamvya uli ukulanda amazwi yakanyengula mwenzo?