Yobo 6:21 - Amazwi Yakwe Leza 2013

²¹ Fwandi namwe kwene avino muli kunondi mwe yacuza yane. Mukati ndi mwalola ucuzi wane uwakoofya imuuvwa intete.

Yobo 6:21 Referans Kwoze

Masamu 38:11

Ivyuza vyane, na inipamba lyane, yati yantaluka apamulandu wa vilonda vyane.

2 Timoti 4:16

Kusi umuntu nanti umwi uwali ku mbali yane nkolelo lino naipokolwile mu cilye. Onsi kwene yamfutatile. Nkupepa kuti Leza ayelele!

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Yelemiya 51:9

Alino ainamasi nayo ali pakwasuka yati, ‘Swemo twezya na maka itu yonsi ukupozya Babiloni, lelo twaposiwa. Acino lyene katumusye sile wenga, cila muntu kaswilile ku mpanga yakwe. Pasi pano upinguzi wakwe watiufika papela pela, watiukatuka ukufika nu mu makumbi.’ ”

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Mapinda 19:7

Akazi ka muntu mulanda wene yonsi yakamupuuka, nga yacuza yakwe yene cilute, yakamuleuka. Nanti angayapapata uli yatange yamuvwe foo.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Yobo 13:4

Pano mwemo mukulonda sile mwailanga apakulanda ivyantumpu. Mwensi pyu umu mvwango zinu mukoline na yasing'anga.

Yobo 6:15

Lelo mwemo mwatimunsomba wa mukuku wa manzi mu tunguzi, tuto utukapwa lino icisiku casila.

Yobo 6:22

Uzye natala imulenga uwila umwi inti, ‘Mpelini cakuti na cakuti,’ nanti inti, ‘Mpelelini amafukakanwa nanti caukuluzi apa vyuma vinu?’

Yobo 19:19

Yaya kwene yano yali yacuza yane, ali yano yakumfinda. Yano natemwisizye, ali yano yatiyamfutatila.