Yobo 42:10 - Amazwi Yakwe Leza 2013

¹⁰ Walanga Yobo wamala ukupapatilako yacuza yakwe, alino Yawe amuwezezya nupya ivyuma vyakwe, lyene iviwelela amaila yaili ukuluta vino vyali apakutandika.

Yobo 42:10 Referans Kwoze

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Ezaya 61:7

Insonyi zinu nu kusaaluka kwinu vyativisila, lyene mumaikalilanga mu cifulo cinu ni vyuma vinu vimasandulukanga. Fwandi mumasansamukanga pee.

Mapinda 22:4

Ukuicefya nu koopa Yawe kukaleta ukama, ucindami nga nu umi.

Masamu 14:7

Endi, ufyusi wakwe Izlaeli si ule ufume sile uku Zioni. Lino Yawe alaswilizya antu yakwe kumwao, ali lino Yakobo alazanga na Izlaeli alasansamuka wakwe cimwi.

Masamu 126:1

Lino Yawe wawelulwisye yayo asenzilwe uzya uku Yelusalemu, cali wa ciloto!

Milimo 7:50

Uzye asi nene nacisile vyonsi vii nemwisikulu?’

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Hagai 2:8

Siluva na zaabu vyonsi ivyakwane.

Malango 9:20

Nupya Yawe wasokile Aaloni kulingana nu kumukoma, lelo Aaloni nawe kwene namupepelile pa nsita ilya.

Mpendwa 12:13

Acino Mose nawe alaizya kuli Yawe ati, “We Leza wane, si leka apole napapata!”

Mpendwa 12:2

Ala yakuuzya yati, “Uzye Yawe wavwanzile sile kupitila muli Mose wenga? Uzye atavwangile kupitila na muli sweswe kwene?” Yawe nawe auvwa vivyo.

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

2 Milandu 25:9

Amaziya auzya umuntu wakwe Leza wilya ati, “Uzye cili uli apa makilogalamu yakwe siluva yano nalipa mpiti ivita vyaku Izlaeli?” Umuntu wakwe Leza aasuka ati, “Yawe angakupa ivilusile pali vivyo!”

Luka 16:27

Mukama nawe ati, ‘Tata, lyene nakulenga kuti utume Lazalo ku ng'anda yakwe tata,

1 Samueli 2:7

Yawe akaleka akama yaya apina, nga apina nayo yaya akama. Wene akasausya nu kucindamika antu.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

Mpendwa 14:10

Lelo iumba lyonsi lyalandanga pa kuyatama na mawe. Alino papo kwene ucindami wakwe Yawe iuloleka ku ina Izlaeli yonsi mwi Taalu lya Ukongano.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.

Yobo 1:2

Wene wakweti ana aonsi cinimbali na ana anaci yatatu.

Yobo 42:9

Fwandi ali vino Elifazi umwina Temani, Bilidadi umwina Syuwa na Zofali umwina Naamati, yaile yacita ndi muno Yawe wayaneniile. Fwandi Yawe nawe ali pakupokelela ipepo lyakwe Yobo.