Yobo 40:13 - Amazwi Yakwe Leza 2013

¹³ Yonsi kwene uyazike pamwi mu musili, nu kuyayalila umu mfinzi kuzimo.

Yobo 40:13 Referans Kwoze

Ezaya 2:10

Yaleezya ukufisama umu vimawe, umu macele, umu myamba nanti ukwimba vipolowe umwakuti yangafisama, apamulandu nu kuutuka ukali wako we Musambazi!

Yoane 11:44

Alino Lazalo afuma, ala makasa na maulu yakwe yafufilwe mu nsalu ya mufwe, nga nu ku manso yakwe kwafufilwe ni citambala. Yesu ayanena ati, “Mufupululini nsalu, lekini apite.”

Masamu 49:14

Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Yobo 36:13

“Lelo antu asi yapefi yakaikala asoke, Nalino Leza wayanyepa umu myando, awe cumi yene yasi nu kumupapata foo.

Yobo 14:13

Iye mwe! Fwandi cangecizipe umfisa kuko kwene ukwaya afwe, ukufika sile na lino ukali wako watankoka, nga alino wize uwateyanya uwanda wakunjiusya nupya.

Esita 7:8

Lino umwene akuwela azana Hamani watalambalala apa katala apatambalile Esita, apakuti amupapate. Walanga umwene walola vivyo, apunda nu kupunda ati, “Owe mwe, kalanda kasikolo! Uzye lyene umuntu wi akasi kulema namwene apa maka umwi sano lyane kwene?” Atatala wita ni zwi, antu iyavimbilikizya Hamani ni cisalu apa manso.

Yobo 40:14

Ndi cakuti avino umacita, ale lyene nani namakutaizya, nupya namakulumbanya inti, ‘Fwandi wakwata amaka akucimvya.’

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.