Yobo 4:19 - Amazwi Yakwe Leza 2013

¹⁹ Uzye wene angataila uli icaumbwa kwivu, icapangilwa ku lukungu, cico icingavungolwa wa kazizi.

Yobo 4:19 Referans Kwoze

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Yobo 33:6

Alino wemo ulinzile umanye ukuti nene nawe, sweswe ali yamwi pa manso yakwe Leza. Sweili kwene twaumvilwe ukufuma uku lukungu.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Yobo 13:28

Lyene nemo nasila nu kulokota wi leka lyaku muti, kwati ikoti lino yatulola uku mpenzu.”

Yobo 13:12

Amapinda inu ampiti, aciwelewele sile. Yene yakoline ni itwi. Nanta amaasuko inu kwene akuipokolwelako, nayo kwene yakoline ni ivu.

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

1 Petulo 1:24

Cili ndi vino calembwa mu malembelo cati, “Antu yonsi yakoline wi sote nga nu lulumbi lwao lukoline wa maluwa amu mpanga.” Isote likauma, na maluwa nayo yakalukuta,

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Masamu 146:4

Lino yafwa, yene yakaswilila ukwivu, nu wanda kwene uo amapange yao yasililikila.

Yobo 22:16

Ala mwine antu yaya walanga yasendwa mpiti na mulamba lino insita yao itatala yafika. Ali vino mulamba wapomwile ivifulo vyao iviundwa vyonsi pyu.

Yobo 14:2

Waya wi luwa ilikasapatuka nu kuonza, nga liwela linyala nu kuuma. Waya wa cinzingwa, icisiikalila pano cili.

Yobo 25:6

Ale fwandi umuntu uwasilesile wene cisi nako, wiyo uwaya sile wa ngonyo! Wene akoline ni cizizi!”