Yobo 39:24 - Amazwi Yakwe Leza 2013

²⁴ Imfwalasi yene ingamala impanga ni mpanga ukwaula ukwimilila sika. Inyenjele ndi yalila, yene isiimilila, awe.

Yobo 39:24 Referans Kwoze

Luka 24:41

Lelo nalyo kwene pamulandu wakuzuziwa nu luzango, lino yatali yataile, yazunguka, nga nawe ayauzya ati, “Uzye mukweti cakulya cimwi pano?”

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yobo 37:20

Nemo nsyakunena Leza ukuti leka nalukuvwanga! Awe mukwai pano limwi ningazana ukuti yangonona.

Yobo 29:24

Na lino nkuyanena, ala nkuyasekelako, yatatailanga zuwa ukuti icampomvu. Lelo ndi nalanga icinso cane kuti citaloleka wa cifinya mwili, awe lyene, indola yatemwa.

Yobo 9:16

Nanti sile ningamwama nga nawe azumile ukwiza, nemo ntasininkizye ndi cakuti akuuvwa navino nkulanda.

Yobo 39:23

Ivyanzo vino yayo akakwela pa mfwalasi yakasenda, vikakolokonsya lwapambali, ala vili nu kuyengesa kwa lupanga kumwi ni sumo.

Yobo 39:25

Lyonsi lino inyenjele yalila yene iti nu kuti, ‘Eya!’ Ala yene yanunsya uwema wa nkondo, konsi kuno iyelile, nanti pangaya apatali. Nu kuuvwa, ikauvwa vino yamusika ya vita yakupunda.

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.