Yobo 39:21 - Amazwi Yakwe Leza 2013

²¹ Imfwalasi zikatununta umu manyika nu kuyakuulizya kuno kwaya inkondo. Zikasimula kweneko na maka yakwezyo yonsi.

Yobo 39:21 Referans Kwoze

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Mapinda 21:31

Umuntu angateyanya mfwalasi yakuya lwisizyako inkondo, lelo Yawe wenga mpo aliwe akapeela ucimvyo.

Masamu 19:5

Ali muno likatunka ungati asiwinga umuzange, wino akufuma umwakwe, ungati umuntu akucimvyanya mu kusimula ulwilo ni nsansa.

1 Samueli 17:42

Umwina Filisti aceceta Davidi, nga amusuula pamulandu wakuti Davidi wali umulumendo uwalolekanga sile ningo.

Yakapingula 5:22

Lyene imfwalasi ziiza zila zikuciloka, izilyatola umusili ni nkamba zyaziko.

Yobo 39:22

Imfwalasi zyaposya sana nupya pataya cino zikaoopa, alino zyene zisicintukila nanti yangazisonta nu lupanga.