Yobo 38:13 - Amazwi Yakwe Leza 2013

¹³ Uzye watala wanena akatondo ukuti kalemelele insongo zyonsi nu kukunta mwenemo antu aipe?

Yobo 38:13 Referans Kwoze

Masamu 104:35

Yakaifya kayalowelele muno nsi, patasyala nanti wenga! Lumbanya Yawe we mwenzo wane! Endi lumbanyanga Umwene!

Yobo 37:3

Wene akumyantula inkuwa apisika ya luwanzi lwi yulu, icakuti nga camyantula, icifika nakuno insi yapelela.

Kufuma 14:27

Caleka Mose akonzolola ikasa lyakwe pali yemba. Lino ilanzi lyatunka yemba aswilila vino wali. Aina Eguputo yezya kuti yapuuke amanzi, lelo Yawe aleka yaswilila muli yemba pakasi.

Yobo 28:24

Pano wene wamanya na kuno impanga yonsi yapelela. Wene akapeketa vyonsi ivyaya pano nsi, apisika liyulu.

Yobo 34:25

Apa mulandu wakuti wamanya mpiti ivicitwa vyao, akayasumba pansi usiku. Apano ayalopwela, antu iyayalyatola.

Yobo 34:26

Akatimbolela yakaifya apa manso ya antu, nu kuyanyepa umu myando,

Yobo 36:6

Asilonda yakaifya yatwalilile ukuya nu umi, lelo antu asulwe akayataasya.

Yobo 38:12

“Uzye Yobo ukufuma pano wavyalilwe, watala wapima insita, apakuti ilanzi lyatunkila penepo na kuti kwaandatuke?

Yobo 38:14

Uluswepo lwa katondo lukasenula imyamba ni mikonko apakuti vyaloleka wa nsalu ya minkwinya.