Yobo 38:12 - Amazwi Yakwe Leza 2013

¹² “Uzye Yobo ukufuma pano wavyalilwe, watala wapima insita, apakuti ilanzi lyatunkila penepo na kuti kwaandatuke?

Yobo 38:12 Referans Kwoze

Masamu 74:16

Awewe walenga kuti kwaya umusanya nu usiku, wewe wika ilanzi nu mwezi mu ncende zino vyayela mwenemo.

Yobo 8:9

Umazana ukuti swe ana yao tutange tukume nako. Umi witu pano nsi ukapita sile wa cinzingwa.

Utandiko 1:5

Alino Leza atemela uluswepo ati, “Umusanya” nga imfinzi nayo ati, “Usiku.” Nga kuya manguzi na katondo, uu wali uwanda wakutandika.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Luka 1:78

Leza witu wakwatisya mizu. Alatutumila luswepo kufuma kwiyulu ululaengesa panotuli wa micalalazi yi lanzi katondo

Yobo 38:21

Cumi kwene wemo wamanya vi vyonsi, pasi pano walanga wavyalwa apa nsita ilya! Wemo walanga wikala imyaka ivule cuze!

Yobo 38:4

Uzye we, akuno wali lino naumbanga insi? Asuka tuvwe ndi cakuti wiluka ivintu.

Yobo 15:7

Uzye wewe uli muntu uwatandikilepo ukuvyalwa pano nsi yonsi? Uzye akuno wali lino Leza wapanganga imyamba?

Yobo 38:11

lilyo lino namunenyile inti, ‘Papo ali pano uce uwapelela na maimbi yako yataca yaezya ukucila penepo.’

Yobo 38:13

Uzye watala wanena akatondo ukuti kalemelele insongo zyonsi nu kukunta mwenemo antu aipe?

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Yobo 24:16

Antu amusango uu yasilonda uluswepo foo. Umusanya yene yakafisama. Usiku, ala waca, iyatulula amang'anda ya antu nu kwiya mwenemo ivintu.