Yobo 38:10 - Amazwi Yakwe Leza 2013

¹⁰ Nene napimile yemba apakupelela, inika ivisasa ni mikolongelo,

Yobo 38:10 Referans Kwoze

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Masamu 104:9

Wayacitile na nande wino yasi nu kucila penepo, apakuti nupya yatakaleke insi iundwe kuli mulamba.

Yobo 26:10

Alino Leza azingulusya icisilwa apa manzi, papa pano wapaatukanya uluswepo ni mfinzi.

Masamu 33:7

Wakolonganike amanzi yamuli yayemba, kwati umu ncende yonga, kwati umu nyambi. Nga alino wasunga amanzi yamu maziya pamwi.

Utandiko 9:15

ndaiusya upangano wane kunomuli nu ku viumbwa vyonsi vyaumi uwakuti, kutalaya mulamba nupya uwakonona viumbwa vyonsi vyaumi nanti insi.

Yobo 38:9

Ala anene natoozile kungwi nu kumuvimbilikizya pali yemba. Alino ndeka na makumbi atifi iyaya penepo.

Yobo 38:11

lilyo lino namunenyile inti, ‘Papo ali pano uce uwapelela na maimbi yako yataca yaezya ukucila penepo.’

Mapinda 8:29

na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.

Yobo 41:14

Uzye aweni angacasamula akanwa akazingulukwa na mino, ukwaula ukoopa amino yakweco asongolesye.