Yobo 37:3 - Amazwi Yakwe Leza 2013

³ Wene akumyantula inkuwa apisika ya luwanzi lwi yulu, icakuti nga camyantula, icifika nakuno insi yapelela.

Yobo 37:3 Referans Kwoze

Mateo 24:27

Pano ukwiza kwa Mwana wa Muntu kulakolana wa nkuwa ino ikamyansya kucilinganya ulwelele lonsi kufuma ku ufumondaka nu kufika ku uwondaka.

Yobo 38:13

Uzye watala wanena akatondo ukuti kalemelele insongo zyonsi nu kukunta mwenemo antu aipe?

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Masamu 97:4

Ukumyansya kwakwe kukaswefya insi yonsi, nga alino insi ilola nu kuzakaza.

Masamu 77:13

Vyonsi vino we Leza wacita, ivyamuzilo! Kutaya namuze uwacindama wakwe wewe!

Yobo 28:24

Pano wene wamanya na kuno impanga yonsi yapelela. Wene akapeketa vyonsi ivyaya pano nsi, apisika liyulu.

Yobo 28:26

wapima ni mvula pano ingatonyela ipelele, alangilila ni nkuwa inzila umwakupita.

Yobo 37:4

Nga alino ipalondelela penepo icilulumo cizwi lyakwe. Izwi lyakwe ilya mucinzi ilikuuza. Asiezya ukulesya ukumyantula apa nsita ino izwi lyakwe likuvwika.

Yobo 37:11

Akazuuzya amanzi umu makumbi. Amakumbi nayo ali pakutandika uku ulukuta nu kumyantula.

Yobo 37:12

Umweneco kwene aliwe akapisyanya amakumbi, kuti yacite consi cino wapeela ilamulo kuti yacite pano nsi ponsi.

Yobo 38:35

Uzye ungatala unene imvula kuti imyantule cakuti lino yawela, ikunene iti, ‘Musambazi, uzye aapi pano namamyansyizya nupya?’