Yobo 36:3 - Amazwi Yakwe Leza 2013

³ Amano yonsi nemo yaya avunguluke, namanya ivyakuvwangila kaumba wane pano wene akalungika.

Yobo 36:3 Referans Kwoze

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 11:7

Pano Yawe wakwata ulungi. Asuma yalalola pe icata cakwe.”

Yobo 32:8

Lelo umupasi wakwe Leza, uli uno ukaingila mu muntu nu kumupeela ukwiluka.

Yobo 8:3

Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Loma 9:14

Uzye lyene tumati uli? Uzye Leza uwa lufyengo? Awe cipelele kutali.

Mateo 12:42

Pa wanda wa upinguzi namwene uwaku kaeya alimilila pamwi na antu amu mukulo uu nu kuyasinila, pano wapisile mpanga itali cuze kuya ku mwene Solomoni ku kuvwa mazwi ya mano kunoli. Lola, umwi mukulu kuluta Solomoni ali pano.

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 34:5

Yobo umweneco watavwanga ukuti umulungame, lelo Leza wakana ukuti ampingwile nu ulungami.

Yobo 32:2

Lyene ali vino umuntu wenga wene pasi pakusoka. Izina lyakwe, a Eliu umwana umonsi wakwe Balakelo umwina Buzi, uwamu luko lwakwe Lamu. Wasokile Yobo apamulandu wakuti wene waiweni ukulungika ukuluta pali Leza.

Yobo 4:17

Uzye umwinakufwa angacita vyaololoke apa manso yakwe Leza? Nanti uwakaele apa manso yakwe kaumba wakwe?

Yobo 36:2

“Wemo Yobo tekela sile uleke nkulondolwele vino nkuvwangila Leza. Pano nemo ncikweti ivyakuti imvyangileko Leza.