Yobo 36:11 - Amazwi Yakwe Leza 2013

¹¹ Ndi cakuti yatontela Leza nu kumuombela, lyene yangaya nu longo amanda yao yonsi nu kuipakizya imyaka yao yonsi.

Yobo 36:11 Referans Kwoze

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.

Umbwilo 18:7

Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

Yobo 22:23

Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Yobo 22:21

“Ali cino fwandi wemo Yobo, uwauvwana sile na Leza wako pakuti uye nu longo.

Loma 6:17

Pansita imwi mwali yazya akuyela maifyo, lelo ndakai nkutaizya Leza pano mukayela usambilizyo uwo uno mwapokelela ni myenzo inu yonsi.

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Yobo 21:11

Ana yao yakaicinila apanzi, wakwe yakapwata nu kucena ala tukucena wakwe yampombo na yakalulu.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

Yobo 21:13

Awe cumi pasi pa usuma, yaikalila ni syuko. Nu kuya yakaya uku mpanga ya afwe nu longo, ukwaula ukucululuka.

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

2 Milandu 33:13

Yawe nawe ali pa kuvwa uku papata kwakwe, nga amwasuka. Lyene Yawe aleka kuti aswilile ku Yelusalemu ku kuteeka nupya. Alino Manase asininkizya apaswe ukuti umucumi Yawe ali Leza.

Masamu 119:3

Yene yasicita cimwi iciipe. Yakapita umu nzila zyakwe.

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”