Yobo 36:10 - Amazwi Yakwe Leza 2013

¹⁰ Akaleka kuti yuvwikisye vino wayasopesyanga apakuti yangafuntuka uku maifyo.

Yobo 36:10 Referans Kwoze

Mateo 3:8

Mwaomba imilimo isuma yakulanga vino mwati muzenzuka.

Yobo 36:15

Lelo Leza akapususya yao akucula uku ucuzi wao. Wene akalanda kunoyali umu ntazi zyao. Akaleka kuti yacule, apakuti umu kucula kwao amuno yapule amalango.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

Ezaya 48:17

Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Yobo 36:21

Uwacenjela nu kufuntuka uku viipe, pasi pano ali vino vyakulenga nu kucula kuko.”

Yona 3:8

Antu yalinzile ukuzwala vyakuzwala vyakulanga ulanda nga ni nyama nazyo muzivimbe ni vyakuzwala kwene vivyo. Cila muntu alinzile apimpe ukupepa kuli Leza. Endi, umuntu ali wensi alinzile ukuta imisango yakwe ya nkota kumwi ni vicitwa vyakwe viipe.

Zefaniya 3:7

Nelenginye ukuti cumi kwene lyene antu yane yamangoopa, nu kufukila kusunda kwane, nu kuti yene yatalatala yilile amalamulo yane. Lelo yene yakweti insuna yakutwalilila ukucita iviipe, muli vyonsi vino yacitanga.”