Yobo 34:5 - Amazwi Yakwe Leza 2013

⁵ Yobo umweneco watavwanga ukuti umulungame, lelo Leza wakana ukuti ampingwile nu ulungami.

Yobo 34:5 Referans Kwoze

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.

Yobo 27:2

“Nemo nalapa nati, ‘Leza umwiyulu wiyo Wamaka yonsi, wene uwakana ukunjelela nu kuleka umi wane usasile.

Yobo 32:1

Ali vino antu yaya yatatu yatile ukuvwanga na Yobo, apamulandu wakuti wene wasininkizye ukuti uwa kayele.

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Yobo 16:17

Lelo kwene nemo ntacita ivyaukakasi, ni pepo lyane lyali ilyacumi.

Yobo 11:4

Wemo ukunena Leza uti, ‘Vino nataila ivyampomvu, nene wakaele apa manso yako.’

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Yobo 9:17

Pasi pano wene akampamola na mawe ya mvula, nu kunkwavulula ukwaula umulandu.

Yobo 6:29

Mwacilamo sile, ale tini ukumfyenga. Mutezya ukumpela umulandu, pano nene wacumi.

Yobo 13:18

Nene muntu umwi umuiteyanye umu kulondolola umulandu wane onsi, pano ninsininkizya ukuti nene wakaele, nupya insi nu mulandu ku muntu.

Yobo 34:4

Ali cino fwandi naswe kwene katulondelezye icingalungama, nupya swensi pamwi tulole icingazipa.

Ezaya 40:27

Ale lyene fwandi mwe ina Izlaeli icani cino mukuilizyanyizizya imuti, “Imisango itu itamanyika kuli Yawe, ni nsambu zitu zyatazyelwa kunoli?”

Yobo 8:3

Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

Yobo 19:7

Nkati ndi nailizyanya nu kupunda inti, ‘Mayo, silolini vino nemo nacula!’ Lelo pasiya nanti aumwi uwakungasuka. Nanti limwi nga nati tukavwangilwe, pasiya nanta umwi uwakuti atuputwile umulandu.