Yobo 34:30 - Amazwi Yakwe Leza 2013

³⁰ Ali cino fwandi Leza akalungamika imitundu na antu, nu kupususya umuntu mwipe, uku viteyo vya ulanda.”

Yobo 34:30 Referans Kwoze

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Oseya 13:11

Mu ukali wane namupiile yamwene, nu mu cipyu cane imupoka nu kuyasenda.

Oseya 5:11

Antu yakwe Efulemu yakuzunyiwa, nu kufyengelekeziwa pamulandu wa kuuvwila yauze.

Masamu 12:8

Pano antu aipe yakutuzinguluka umu mbali nu ukakasi nao iuvulisya umu antu.

Yobo 34:21

Wene akaceceta imipitile ya muntu, nu kulola cila lutampulo lwakwe.

2 Yamwene 21:9

Lelo aikazi amu Yuda yatatontelanga Yawe foo. Manase walenzile nu kuti yacita ivintu iviipe, ivilusile na pali vino inko zino Yawe wononyile zyacitanga, lino aina Izlaeli yayanga mwenemo.

Kasambilizya 9:18

Amano yazipa ukuluta ivyanzo vya nkondo, lelo kaifya wenga angonona ivisuma ivingi.

Yobo 5:15

Lelo Leza wene angapususya umulanda ku mfwa. Akapususya nu mupina umu minwe ya nkakasi.

Yobo 20:5

isyuko lya muntu umwipe lisitala ilitantalila, ni nsansa zyakwe cisangoka zikalengela sile akasita kanono?

Yobo 34:17

Uzye umuntu uwapata ulungami, aliwe angateeka antu? Uzye kwene umweneco wa ulungami na Maka yonsi, ali wino ungapama nu kumupeela mulandu?

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yobo 34:31

Uzye akunoli umuntu wino anganena Leza ati, “Nene wa mulandu, lelo ntalatala nswilizye ukwifya nupya?