Yobo 34:22 - Amazwi Yakwe Leza 2013

²² Kutaya ukwafisama, nanti ukwazika, kuno kacita wa viipe angafisama.

Yobo 34:22 Referans Kwoze

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Mapinda 10:29

Yawe ali linga lya kuzinamo yayo akacita vyaololoke, lelo wene akaonona yayo akacita iviipe.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yobo 3:5

Si mfinzi ile ipoke uwanda ulya, nupya wandatilwe ni cinzingwa, na kungwi nawe auvimbe. Si akanda kale kapoke uluswepo lwauko.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Luka 13:27

Lelo nawe alaasuka ati, ‘Ntamanyile kuno mufumile. Fumini pano, mwe yakacita ya viipe.’

Mateo 7:23

Lyene nani ndayanena paswe inti, ‘Ntamumanyile, fumini pano, mwe yakacita ya viipe.’

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Ezaya 9:2

Antu akapita umu mfinzi yatiyalola uluswepo ulukulu lwa ufyusi. Na pali yano akaikala mu wikalo wa cinzingwa ca mfwa, kunoyali kwiza luswepo kwati kumacaca.

Masamu 5:5

Avilumba yasiimilila sika apa manso yako. Wapata wiyo wensi akacita iviipe.

Yobo 31:3

Uzye fwandi uononesi wene usiponela antu aukakasi, nga nu uzanzo nao uponela yakaifya?

Yobo 24:17

Yonsi yao, yakautuka uluswepo lwa kasanya. Alino imfizi yene yataikwatila intete foo.

Yobo 3:13

Vyonsi vivyo vikana kucitika, ngano vii nkupuza. Ngano nindala utulo ninkasula.

Yobo 10:21

lino ntacili inje kuno yasiwela, ku mpanga ya mfinzi iya cinzingwa ca mfwa,

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Yobo 38:17

Uzye kwatala kwaya umwi angatulanga impongolo zya mfwa? Nanti uzye watala walola yakalinda ya mpongolo itifi, kuno kwikala imfwa?

2 Samueli 12:12

Wemo wayembwike nawe mu umfisolo, lelo indacita icintu cii umusanya wakwe mba pa manso ya ina Izlaeli yonsi.’ ”

Yobo 10:14

Lino nifyanga wancelekanga sile apakuti nemo ntakalole apa kufuntukila umukuponga kwane.

Yobo 12:22

Aliwe akasokolola apaswe ivicitwa vyamu mfinzi, nu kuleka umufitisye fii muswepe swee.

Yobo 22:13

Fwandi cico kwene cino wikala apatali, acino wemo ukuvwangila uti, ‘Pasi cino Leza angamanya. Wene wafisama umu makumbi, uzye angatupingula uli?

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.