Yobo 34:10 - Amazwi Yakwe Leza 2013

¹⁰ “Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Yobo 34:10 Referans Kwoze

Loma 9:14

Uzye lyene tumati uli? Uzye Leza uwa lufyengo? Awe cipelele kutali.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Yobo 8:3

Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Yakobo 1:13

Ndu muntu watunkwa na mezyo amusango uu, wene atalinzile kulanda ati, “Leza akuntunka.” Pano Leza atangatunkwa ni nkota, nupya Leza asyatunka muntu nanti wenga.

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.

Yobo 36:23

Aweni angamulangilila ivyakucita? Aweni angapama nu kumunena ukuti cico waluvwanya?

Mapinda 6:32

Lelo uwayembuka nu muci wa muze wene wuulilwa amano, awe wene ala wailya umweneco.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Mapinda 15:32

Wiyo akasuula amasunde, ala waisuula umweneco. Lelo umuntu akauvwa kuli yano yakumukalipila, akaloonka amalango.

Yobo 34:34

Antu ya malango na wensi umucenjele, pali yayo akunguvwa yanganena yati,

Yobo 34:12

Cumi kwene, Leza ataya nu lufyengo, awe. Wamaka yonsi atange afyenge umuntu, umu uputuzi wakwe nanti panono.

2 Samueli 22:31

Si lolini vino ivicitwa vyakwe Leza wii vyafumaluka, na vino amazwi yakwe akutailwa! Wene akoline wa cisyangu, kuli yao yonsi akalonda ukucingililwa na aliwe.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.