Yobo 33:4 - Amazwi Yakwe Leza 2013

⁴ Pasi pano umupasi wakwe Leza ali uno uli muli nene. Umupasi wakwe Leza ali uno wampeela umi wane.

Yobo 33:4 Referans Kwoze

Yobo 32:8

Lelo umupasi wakwe Leza, uli uno ukaingila mu muntu nu kumupeela ukwiluka.

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Yobo 27:3

Insita zyonsi lino incili nu umi, nupya lino ncikweti umupu wakwe Leza kwene umu mpuno zyane,

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

Yobo 10:12

Wampela uumi, walunda nu kulansakamala lyonsi uku luse lwako ulutupu. Ukampisya pe ulumi.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 12:10

Ala umi wa vintu vyonsi ivikafuta waya umu minwe yakwe Leza, ndi vino nu umi wa muntu kwene waya.

Masamu 104:30

Ndi cakuti waviputilizya umupu, ala vyatandika ukufuta, upuputula ni nsi yonsi cipya cipya.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,