Yobo 33:26 - Amazwi Yakwe Leza 2013

²⁶ Awe lyene iyalumbanya Leza apa kuyakwatila uluse. Yatandika nu kupepa kuli Leza, nga nawe ayuvwa nu kuyuvwa, nga yalolekela uku cinso cakwe ni nsansa. Nu kunena, ala yakunena auze apa kupususya kuno Leza wayapuswisye.

Yobo 33:26 Referans Kwoze

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Milimo 9:11

Mwene nawe amunena ati, “Iteyanye uye ku museo uno yakati, Museo wololoke, pa ng'anda yakwe Yuda uuzyepo umuntu afumile ku Taliso, wino izina lyakwe a Saulo. Wene akupepa,

Milimo 2:28

Wandanga inzila zyakuntwala ku umi, nga nani ndazanga cuze lino wemo waya pipi nani.’

Ezaya 30:19

Nga alino nupya atwalilila ati, “Mwe ikazi amu Yelusalemu, mutalalila aminsozi nupya foo. Leza waya nu luse. Wene alamutuula ndi mwamwama.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Mapinda 24:12

Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Masamu 67:1

Leza, tuyelele uluse nupya tupolelele, utulole luse luse,

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.

Masamu 62:12

alino ni cakuti we Leza, uluse lwako ulwamuntaputuka. Icacumi, we Mwene, ala ukapeela icilambu uku muntu ukulingana ni vicitwa vyakwe.

Masamu 28:6

Lumbanyini Yawe, pano wene watauvwa ukwizwi lyakulenga kwane.

Masamu 18:20

Yawe wancitila ukulingana ni milimo yane isuma. Wene watandambula pano nene wakaele.

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Yobo 34:11

Leza akalinganya pali vino umuntu akacita. Wene akacitila cila muntu ukulinganya ni miyele yakwe.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

Yobo 33:25

Mukwai, cikaya icakuti ni mili yao iyateketa sile kwati iya twance. Ikolana na ino yakweti umu wance wao.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Yobo 19:27

Nemwisikulu ndamulola na manso yane, asi muntu muze awe. Ndamulola na manso yane yakwene. Nu mwenzo wane onsi ukuluukisya uwanda ulya. Ukuya kwene umwenzo wane ukucula, apamulandu na mazwi yano mwe antu mukunena ukuti,