Yobo 33:23 - Amazwi Yakwe Leza 2013

²³ Limwi nalyo, pa angeli amazimbi, Leza angatolapo wenga nu kumutuma uku alwale kwene yayo, ukuti yakayacelule ku milimo ino yalinzile ukuomba.

Yobo 33:23 Referans Kwoze

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

Kasambilizya 7:28

Nalondelezyanga amaasuko nayauze, lelo ntayazana foo. Nazanyile umonsi wenga pa antu izimbi lyonga wino nacindike, lelo kutali umwanaci nanti wenga wino nazanyile.

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Hagai 1:13

Alino Hagai, intumi ilya ilondolwela antu amazwi yakwe Yawe ndi muno yaelile akuti, “Nene ne Yawe nkumumanyisya ukuti namayanga namwe pe.”

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Nyimbo zya ndosya 3:32

Nanti angala limwi atukalipile, wene akatutezela pano watukwatila uluse, nalo pasi paukulu.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 94:12

We Yawe, walongo umuntu wino ukasambilizya, wiyo wino ukalondolwela amasunde yako.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 36:3

Amano yonsi nemo yaya avunguluke, namanya ivyakuvwangila kaumba wane pano wene akalungika.

Yobo 35:14

“We Yobo, icumi wewe ungavwanga ukuti utangalola Leza, lelo umulandu wako wene wamanyikwa mpiti kunoli, wemo ukamulolela sile.

Yobo 34:32

Unsambilizye ivintu vino nsikulola. Ndi cakuti naluvyanya, nalaya ukuti ntalaswilizya nupya.

Yobo 34:12

Cumi kwene, Leza ataya nu lufyengo, awe. Wamaka yonsi atange afyenge umuntu, umu uputuzi wakwe nanti panono.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Yobo 11:6

lyene ungalola vino angakulongwela inkama zyakwe. Kwaya ivintu vimwi vino amano ya muntu yatange yamanye. Ali lino lyene ungasininkizya ukuti Leza akasuula sile ku vintu vimwi vimwi vino ukaifya.

Yobo 9:3

Umwi ndi camukulama wati kapele Leza umulandu, Leza angamuzya amauzyo yamwi acipezya mano, yano angaposiwa ukwasuka.

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

Milimo 8:30

Filipo asimwililako, amuvwa akuwelenga mu lupapulo lwakwe kasema Ezaya. Alino amuuzya ati, “Uzye ukuvwa vino ukuwelenga?”

Utandiko 40:8

Nayo yaasuka yati, “Swensi cila muntu watalota ciloto, lelo pano pasi wakuti atwilwile viloto vitu.” Yosefu ati, “A Leza wenga sile akapeela ukwilula konsi ukwa viloto. Nenini viloto vinu.”

Ezaya 59:16

Leza akazunguka pakulola ukuti kusi nanti umwi akatuula yano yakucula. Fwandi lyene Leza umweneco kwene amavwandamuka pakuti ayapususye nu kucimvya amacimvya.

Yobo 9:33

Kutange kuloleke umuntu uwakututaasya, wino akweti amaka pali nene na Leza.